एजेन्सी । भारतको ओडिशा राज्यस्थित बालासोर जिल्लामा अज्ञात लुटेराहरूले फिल्मी शैलीमा एटीएम मेसिन नै उखेल्दै त्यसमा रहेको नगद लुटेका छन्।
प्रहरीका अनुसार गएराति लुटेराहरूले थार गाडीमा डोरी बाँधेर एटीएम मेसिनलाई कियोस्कबाट बाहिर तानेका थिए। त्यसपछि एटीएमलाई सडकमा केही मिटरसम्म घिसार्दै घटनास्थलबाट फरार भएका हुन्।
घटनाको सम्पूर्ण दृश्य नजिकै जडान गरिएको सीसीटीभी क्यामेरामा कैद भएको छ। फुटेजमा लुटेराहरूले योजनाबद्ध रूपमा एटीएम उखेल्दै लगेको देखिन्छ। प्रहरीले सीसीटीभी फुटेजका आधारमा फरार आरोपीहरूको खोजी तीव्र पारेको जनाएको छ। साथै, घटनाबारे विस्तृत अनुसन्धान भइरहेको प्रहरीले जानकारी दिएको छ।
