दाङ । जुरौनी चिसापानी रङसिङ बाटो भर्खामा हिलाम्मे,खाल्डाखुल्डी,सुख्खामा धुलो बिरामी, स्कुलका बालबालिका, सामान ओसार्ने सबैलाई चरम सास्ती र समस्या।
जुरौनी चिसापानी रङसिङका स्थानीय जनताहरुका ३ वटा मुख्य गुनासो एकदमै जायज छन् कतिसम्म सास्ती भोग्नुपर्ने वर्षौंदेखिको समस्या, तर समाधान छैन। कहिलेसम्म दुखपाउनुपर्ने सानो काममा पनि ढिलाइ समयमा काम नगर्ने ठेकेदारलाई कारबाही सार्वजनिक पैसा र जनताको समय दुवैको बर्बाद भएको छ ।
बाटो भनेको विकासको मेरुदण्ड हो। यति सानो सडक खण्डको पुल पनि समयमा बन्न नसक्दा स्थानीय जनताको जनजीवन, व्यापार, स्वास्थ्य सेवा सबै प्रभावित भएको छ ।
अब चुप लागेर बस्ने समय होइन। स्थानीय, जनप्रतिनिधि र सञ्चारकर्मी सबैले आवाज उठाउनुपर्छ । सम्बन्धित पालिका,जिल्ला प्रशासन र सडक डिभिजनलाई दबाब दिएर म्याद सकिएको भए ठेकेदारको लाइसेन्स र धरौटीमाथि कारबाही हुनुपर्ने स्थानीय नागरिकहरुको जनगुनासो सामाजिक संजाल मार्फत पोखेका छन् ।
