काठमाडौं । महेन्द्रनगर जाँदै गरेको यात्रुवाहक बसमा मादक पदार्थ सेवन गरेका युवाहरूले एक महिलामाथि अश्लील दुर्व्यवहार गरेको आरोप लागेको छ।
प्रत्यक्षदर्शीका अनुसार बसभित्रै युवाहरूले महिलालाई अपशब्द प्रयोग गर्दै दुर्व्यवहार गरेका थिए। घटनापछि बसमा रहेका अन्य यात्रुहरूले समेत विरोध जनाएका थिए।
घटनाबारे सम्बन्धित प्रहरी कार्यालयमा जानकारी गराइएको बताइएको छ। प्रहरीले घटनाको सत्यतथ्य बुझ्न अनुसन्धान सुरु गरेको छ।
सार्वजनिक सवारीमा महिलामाथि हुने यस्ता घटनाले यात्रा सुरक्षा प्रति प्रश्न उठाएको छ। यात्रुहरूले बसमा मादक पदार्थ सेवन गरी होहल्ला गर्ने र महिला यात्रुलाई दुर्व्यवहार गर्नेमाथि कडा कारवाही हुनुपर्ने माग गरेका छन्।
