अर्थमन्त्री तथा सञ्चारमन्त्री डा. युवराज खतिवडाले मन्त्रीपदबाट राजीनामा दिनुभएको छ ।
राष्ट्रियसभा सदस्य रहनुभएका मन्त्री खतिवडाले राष्ट्रियसभाको दुई कार्यकाल पूरा भएकाले राजीनामा दिनुभएको हो । अर्थमन्त्री तथा सञ्चारमन्त्री डा. खतिवडाले आज मुख्यसचिव मार्फत् राजिनामा बुझाउनुभएको हो । अर्थमन्त्रीको खतिवडाको पद २१ गते रातिबाट सकिने भएको हुदा उहाले २१ गते रातीबाट लागु हुने गरि राजिनामा दिएको स्रोतले जानकारी दिएको छ ।
गोलाप्रथाबाट दुईवर्षे कार्यकालको जिम्मेवारी पाएका खतिवडालगायत १९ जना राष्ट्रिय सभा सदस्यको पदावधि आजबाट सकिएको छ । तर, राजीनामा पछिपनि डा. खतिवडालाई अरु ६ महिना अर्थमन्त्रीको जिम्मेवारी दिने तयारी रहेको स्रोतले जनाएको छ । खतिवडाको सपथ भोलिका लागि नै तय भैसकेको स्रोतको भनाइ छ । राष्ट्रिय सभामा निर्वाचित १८ जना नयाँ सदस्यहरुको भोलि सपथ हुँदैछ । तर, राष्ट्रपतिबाट मनोनित हुने एक जना सदस्य भने केही समयसम्म रिक्त नै रहने स्रोतले जनाएको छ ।
