बिदुर एमसी
भालुवाङ फागुन २५ विश्वव्यापी रूपमा फैलिएको कोरोना भाइरसबाट बच्न नेपाल सरकारको निर्देशन बमोजिम राप्ती गाउँपालिकाले गाउँपालिका भित्र कुनै पनि सभा,समारोह,भेला ,मेला महोत्सव सञ्चालन नगर्न सवैमा आग्रह गरेको छ । गाउँपालिकाका अध्यक्ष नुमानन्द सुवेदीको अध्यक्षता बसेको कार्यपालिकाको बैठकले सो निर्णय गरेको हो ।
साथै बैठकले यहि फागुन २५ गते परेको नारी दिवस कार्यक्रम पनि स्थगित गरेको छ भने होली पर्वमा सामुहिक रंग दल्ने,पानी छ्याप्ने जस्ता कार्य नगर्न पनि आग्रह गरेको छ भने कक्षा १देखि ९ सम्मको परिक्षा फागुन २८ देखि चैत्र ५ गते भित्र सम्पन्न गर्न निजी तथा सामुदायिक विद्यालयहरूलाई आग्रह गरिएको राप्ती गाउँपालिकाका प्रवक्ता विद्याशरण चाैधरीले जानकारी दिएका छन् ।
