(एबिसी क्राईम ब्युरो)
दाङ तुलसीपुर खानेपानी उपभोक्ता तथा सरसफाई संस्थाका एक कर्मचारी माथि प्रहरीमा बलात्कार सम्वन्धि मुद्दा परेको छ। तुलसीपुर उपमहानगरपालिका वडा नं. ६ रजौरा निवासी ५२ बर्षीय हरि पाण्डेले बलात्कार गरेको भन्दै तुलसीपुर ६ बरुवागाउँ निवासी ३३ बर्षीया एक महिलाले मुद्दा दिएको ईलाका प्रहरी कार्यालय तुलसीपुरका प्रहरी प्रमुख डिएसपी हरीहर नाथ योगीले जानकारी दिए ।
पीडित महिलाले गतवर्ष बैशाख २९ गते राति एयरपोर्ट नजिकै एक घरमा मदिराले मातेका पाण्डेले आफुमाथि जवरजस्ती बलात्कार गरेको भन्दै पाण्डेका विरुद्ध फागुन २१ गते उजुरी दिएको प्रमुख डिएसपी योगीलले बताए ।
मुद्दा परे लगतै आरोपित पाण्डे फरार रहेको र उनको खोजी भइरहेको प्रहरीले जानकारी दिएको छ । तुलसीपुर खाने पानीका एक पदाधिकारीले भने पाण्डे विदामा बसेको भन्दै कार्यालय नआएको जानकारी दिएका छन् ।
एयरपोर्ट नजिकै घर भएकी निर्मला डाँगीको घरमा पाण्डेले आफुलाई बलात्कार गरेको भन्ने जाहेरीको आधारमा प्रहरीले डाँगीलाई निवेदन परेको भोलि पल्ट नै पक्राउ गरेको छ । पीडित महिलाका अनुसार उक्त दिन डाँगीले आफु एक्लै भएको भन्दै रातिमा आफ्नो घरमा बास बस्नका लागि निम्त्याएकी थिइन । त्यसपछि पाण्डे र डाँगीले मदिरा सेवन गरेका थिए ।
रातिमा एक्कासी डाँगी बाहिर निस्केर बाहिरवाट चुक्कुल लगाएर आफु निस्केको र त्यसपछि पाण्डले जवरजस्ती आफुलाई बलात्कार गरेको पीडित महिलाले बताइन ।
पीडित महिलाका अनुसार डाँगी एक घर जग्गा कारोवार गर्ने र मिटर व्याजमा पैंशा लगानी गर्ने महिला हुन । पीडित महिलाले आफुले घर किन्दा डाँगी संग आफ्नो चिनजान भएको बताएकी छन् ।
वर्षदिन सम्म गुपचुप रहँदै आएको यो घटना काठमान्डौं र रोल्पामा घर भएकी तेजकुमारी वलीले थाहाँ पाएपछि उनकै परामर्षपछि पीडित प्रहरी समक्ष पुगेर पाण्डे विरुद्ध उजुरी दिएकी हुन । वलीले यस्ता पीडित महिलाहरुलाई विभिन्न ठाउँमा पुगेर सहयोग गर्दै आएकी छन् ।

सम्बन्धित

कोटेश्वर-कलङ्की सडकमा ट्राफिक बत्ती जडान सुरु

गण्डकी प्रदेशमा कोरोनाविरुद्धको कोभिसिल्ड खोप आइपुगेयो

अदालतको आदेश ढिलो भए चुनाव सर्न सक्छ : गृहमन्त्री थापा

शंकास्पद देखिएपछि जलाउँदै गरेको शव प्रहरीद्वारा एउटा बरामद

प्रधानमन्त्री वलीद्वारा नेपालको दोस्रो लामो राप्ती नदी पुलको उद्घाटन

पूर्वप्रधानमन्त्री प्रचण्ड र पूर्वगृहमन्त्री पूर्व विशिष्ट व्यक्तिको सुरक्षा कटौती