काठमाडौं ज्ञानेन्द्र शाहीसँगको विवादमा परेका ललितपुर जिल्लाका प्रमुख जिल्ला अधिकारी भगीरथ पाण्डेयको सरुवा भएको छ । शाहीले ललितपुर जिल्लामा लकडाउनमा परेकालाई राहत वितरण गरेपछि उनलाई त्यसो नगर्न र राहत महानगरपालिकाका निकायहरूबाट मात्र बाँड्नुपर्ने विषयमा विवाद भएको थियो । विवादपश्चात पाण्डेयले शाहीलाई पक्राउ गरेका थिए । पाण्डेको शनिबार गृह मन्त्रालयमा सरुवा भएको छ । उनको स्थानमा ललितपुरको सिडिओ भएर नारायणदत्त भट्ट गएका छन् ।