बर्दिया सडक दुर्घटना न्युनीकरणमा जिल्ला ट्राफिकले जनचेतनामूलक अभियान संचालन गर्ने

प्रकशित मिति : २९ आश्विन २०७७, बिहीबार ०८:५६

महेन्द्र सिंह बर्दिया सडक दुर्घटना न्युनीकरणका लागि जिल्ला ट्राफिक कार्यालय बर्दियाले अभियान संचालन गरिरहेको छ ।
सुरक्षित यात्रा अभियान अन्तर्रगत प्रदेश प्रहरी कार्यालय लुम्बिनीको निर्देशन अनुसार बर्दिया जिल्ला भरी सचेतना मूलक कार्यक्रम संचालन गरिरहेको छ ।
असोज १५ गते देखि २९ गते सम्म जिल्लाका बिभिन्न राजमार्ग हरुमा सचेतना मूलक कार्यक्रम संचालन भईरहेको जिल्ला ट्राफिक प्रहरी कार्यालय बर्दियाले जानकारी गराएको छ ।
यसै क्रममा नेपालगन्ज गुलरिया सडक अन्र्तगत गुलरिया नगरपालिका वडा नं.११ गणेशपुरमा पनि घरदैलो समेतको सचेतना मूलक कार्यक्रम गरिएको छ ।
दुर्घटनाको जोखिमका हिसाबले त्यसक्षेत्र संवेदनशिल भएकाले गणेशपुर क्षेत्रमा पनी सचेतना मूलक कार्यक्रम संचालन गरिएको हो । सुरक्षित यात्रा सचेतनामूलक कार्यक्रम अन्र्तगत चालक, सह—चालक, सडक प्रयोग कर्ता पैदल यात्रु र राजमार्ग किनारमा बस्ने नागरिकहरुलाई प्रशिक्षण दिईएको छ ।
जिल्लामा ०७६/७७ मा भएको ८३ सडक दुर्घटनामा ३८ जनाले ज्यान गुमाउनु परेको हुँदा यस्तो अभियान संचालनले दुर्घटना न्युनिकरण हुने जिल्ला प्रहरी कार्यालय बर्दियाका प्रहरी नायब उपरिक्षक योगेन्द्र बहादुर खड्काले वताए ।
दुर्घटनाबाट जोगिन नागरिक स्वयं चेतनशील हुनु पर्ने खड्काको भनाई छ । सडक किनारमा बाँधिने पशुका कारण पनि सवारी दुर्घटना हुने भएकाले सडक किनारमा पशु नबाध्नका लागि गुलरिया नगरपालिका वडा नम्बर—११का वडा अध्यक्ष रामनारायण केशरीले निर्देशन दिएका छन् । केशरीले सडक किनारमा राखिएका पसल तथा घुम्तीहरु पनि हटाईने बताएका छन् ।
ट्राफिक प्रहरीले वेलामा वेलामा यस्ता किसिमका सचेतना मूलक कार्यक्रम संचालनले आम नागरिकमा चेतना आई सवारी दुर्घटनाकमा कमी आउने अध्यक्ष केशरीको भनाई छ ।
नागरिकको घरदैलोमा गई सवारी दुर्घटनाको जोखिमबाट जोगिन सडक किनारमा बस्ने स्थानीयहरुले अपनाउनु पर्ने सावधानीका बारे जिल्ला ट्राफिक प्रहरी कार्यालय बर्दियाका प्रमुख प्रहरी नायब निरिक्षक लोकेन्द्र बहादुर मल्लले प्रशिक्षण गरेका थिए । स्थानीय जन प्रतिनिधी, समाजसेवी, यातायात व्यवासायी लगायतको कार्यक्रममा सहभागिता रहेको थियो ।

प्रकशित मिति : २९ आश्विन २०७७, बिहीबार ०८:५६