स्वर्गद्धारीका दस विद्यालयको पोषण अनुगमन

सि पी पौडेल, जेठ ४ स्वगद्वारि
पोषण सप्ताहको तेस्रो दिन बिहिवार स्वर्गद्वारि नगरपालिकाका विभिन्न दस विद्यालयको पोषण अनुगमन गरिएको छ। बालवालिकाको स्वास्थ्य शिक्षा , स्वास्थ जीवनशैलि र सरसफाइको क्षेत्रमा आमूल परिवर्तन गर्न उक्त कार्यक्रम सम्पन्न गरिएको हो। अनुगमनको क्रममा जुकाको औषधि,आईरन चक्की नियमित खाए नखाएको , स्वच्छ खानेपानी,सफा शौचालय र बाल मैत्री कक्षा भय नभयको विषयमा अनुगमन गरिएको हो। गत जेठ १ देखि संचालित पोषण सप्ताह नेपाल सरकारको लगानी , कलिकबिकास केन्द्र नेपाल , सभे द चिल्ड्रेन , जिल्ला जनस्वास्थ्य कार्यालय र विभिन्न स्थानिय निकायको सहकार्यमा संचालित रहेको छ ।
जस अन्तर्गत जेठ १ र २ गते स्वास्थ र Bmi परिक्षण ३ र ४ गते जुकाको औषधि खुवाउने , ६ गते विद्यालयको सरसफाइ र हातधुन सिकाउने ,७ गते र्यालि र ८ गते अतिरिक्त क्रियाकलाप अन्तर्गत हाजिरिजवाफ र निबन्ध प्रतियोगिता सन्चालन्मा रहेका छन । अनुगमनमा बोल्दै श्रोतव्यक्ती तथा स्वर्गद्वारि नगरपालिका नगर शिक्षासाखा संयोजक बल बहादुर रोकायले सप्ताह एक हप्तासम्म चलेपनी यसले राम्रो संदेश दिएर बर्षभरि सरसफाइ र पोषणको क्षेत्रमा राम्रो परिबर्तन ल्याउने बिस्वास व्यक्त गर्नु भयो । यस्तै कार्यक्रमकै क्रममा बोल्दै कलिका बिकाश केन्द्र नेपाल स्वर्गद्वारि नगरपालिका कार्यक्रम उपसंयोजक भावना बिष्टले अनुगमनकर्ताहरुलाई धन्यवाद प्रकट गर्दै बालबालिकाको स्वास्थ्यमा समस्या अाउन नदिन अविभावक तथा शिक्षक र स्वयम् बालवालिकाले विशेष ध्यान दिन आग्रह गर्नु भएको छ।