(सागर थापा)
दाङ देउखुरी सिसहनियाँमा स्कारपियोको ठक्करबाट एक पैदलयात्री घाइते भएका छन् । स्कारपियोको ठक्करबाट पैदल हिडिरहेका राप्ती गाउँपालिका वडा नम्बर ५ सिसहनियाँ कमलरोड निवासी ७६ वर्षका डिलाराम पोख्रेल घाइते भएका हुन् । पूर्व-पश्चिम राजमार्ग अन्तर्गत लमही-भालुवाङ सडक खण्डको राप्ती गाउँपालिका-५ सिसहनियाँमा सोमबार विहान ६ बजे तिर पश्चिमबाट पूर्व तर्फ गइरहेको भे १ च १३६२ नम्बरको स्कारपियोले ठक्करले घाइते भएको थिए । सिसहनियाँ स्थित विष्ट स्वास्थ्य पोलिक्लिनीकमा सामान्य उपचार पछि थप उपचारका लागि बुटवल पठाइएको छ । बिहान् मनिङवाकमा निस्केका पोख्रेललाई स्कारपियोले ठक्कर दिएको ईलाका प्रहरी कार्यालय भालुवाङका प्रहरी प्रमुख प्रहरी निरीक्षक भुवन भट्टले जानकारी दिनुभएको छ । घाइते पोख्रेलको खुट्टा फ्याक्चर र टाउकोमा चोट लागेको प्रहरीले जानाएको छ । ठक्कर दिने स्कारपियो र चालकलाई ईलाका प्रहरी कार्यालय भालुवाङले नियन्त्रणमा लिएको छ ।