सागर थापा दाङ

काठमान्डौ उपत्यकामा अवैधरुपमा हुण्डीको कारोवार गर्नेहरुलाई प्रहरीले सोमवार समातेको छ ।अपराध महाशाखाद्वारा अभियुक्तहरुको साथवाट नगद ५१ लाख र चेक रकम ३ करोड बढि बरामद गरिएको जनाईएको छ ।
काठमाडौं उपत्यका भित्र गैरकानुनी तवरले हुण्डीकोकारोवार गरी राजश्व छली गरिरहेको छ भन्ने गोप्य सूचनाको आधारमा महाशाखाबाट खटिएको बिशेष प्रहरी टोलिले विभिन्न ब्यक्तिहरुलाई पक्राउ गरेको हो । उनीहरुलाई महानगरीय अपराध महाशाखाको टोलीले काठमाडौंको न्युरोड लगायत विभिन्न स्थानमा छापा हान्दा नगद, चेक रकम, विभिन्न बैँकका हस्ताक्षर गरी राखिएका चेकवुकहरु, ह्वाट्स एप र विइ च्याटमा गरिएको हुण्डीको कारोवार सहितको बिवरण, हुण्डी कारोबार गरिएको लेजर तथा कागजातहरु बरामद गरी पक्राउ परेका ७ जना व्यक्तिहरुलाई नियन्त्रणमा लिएको अपराध महाशाखाले जानकारी दिएको छ ।
न्युरोड क्षेत्रबाट सोमबार पक्राउ गरेको महाशाखाका प्रमुख प्रहरी वरिष्ठ उपरीक्षक (एसएसपी) धिरजप्रताप सिंहले बताए । सिंहले भने– गोप्य सुचना प्राप्त भएपछि हामीले निगरानी बढाएका थियौं ।’ प्रारम्भिक अनुसन्धान शुरु गरिएको तथा थप कारवाहीको लागि राजश्वक अनुसन्धान विभाग हरिहर भवन पुल्चोक ललितपुर पठाइने सिँहले बताए । पक्राउ परेका अभियुक्तहरु काठमान्डौ ११ थापाथलिका २९ वर्षिय राहुल राय अग्रवालवाट नगद ८ लाख २७ हजार
चेक रकम र ३ करोड १३ लाख ७४ हजार ८ सय छत्तिस रुपैँया, सिन्धुपाल्चोक बलेपी ८ घर भई हाल स्युचाटार, काठमाण्डौं बस्दै आएका ३१ वर्षिय एलाईट बिजनेश प्रा।लि।, न्यूरोड, काठमाण्डौंका राज कुमार श्रेष्ठवाट नगद ९ लाख ६७ हजार पाँच सय र चेक रकम १९ लाख रुपैयाँ, भारत राजस्थान घर भई हाल क्षेत्रपाटी , काठमाण्डौं बस्दै आएका सग्तानी ट्रेडस, न्यूरोड, काठमाण्डौंका ५२ वर्षिय शिवकुमार साङतानिवाट १७ लाख ६० हजार नगद र ४ लाख चेक रकम, भारत मुम्वई घर भई हाल क्षेत्रपाटी , काठमाण्डौं बस्ने ४६ वर्षिय पुर्ण लक्ष्मी ईन्टरप्राईजेज, खिचापोखरी काठमाण्डौंका अरुण सावरथिया र भारत दिल्ली घर भई ज्ञानेश्वईर, काठमाण्डौं बस्ने ३८ वर्षिय सोही कम्पनिकै रविन्द्र चोखानिवाट संयुक्तरुपमा नगद १५ लाख ५० हजार रुपैया र चेक रकम १९ लाख ९८ हजार ७ सय एक सठ्ठी रुपैयाँ बरामद गरेको छ । त्यस्तै भारत दिल्ली घर भई ज्ञानेश्वरर, काठमाण्डौं बस्ने बिनिका सेल एण्ड साईन मार्केटिङ , न्युरोड, काठमाण्डौंका ४७ वर्षिय राजकुमार सिघान्ची र भारत राजस्थान घर भई बिनिका सेल एण्ड साईन मार्केटिङ , न्युरोड, काठमाण्डौंका सञ्चालक ५२ वर्षिय जगदिश राना सरीयावाट बिभिन्न बैकहरुका चेकबुक थान २१ थान बरामद गरीएको छ । अपराध महाशाखा प्रमुख सिँहले पक्राउ परेका ७ जना ब्यक्तिहरुवाट जम्मा नगद ५१ लाख ४ हजार ५ सय, चेक रकम ३ करोड ५६ लाख ७३ हजार ५ सय ९७ र मोवाइल, ल्याप्टप र विभिन्न कागजातहरु बरामद गरीएको जानकारी दिए ।

सम्बन्धित

दाङ ट्राफिक प्रमुखमा जिसी पहिलो प्राथमिकता दुर्घटना न्यूनीकरणमा

कपिलवस्तुमा साढे सात किलो अफिम सहित दुई जना नियन्त्रणमा

बाँके प्रहरीले ब्राउनसुगरसहित दुई जनालाई पक्राउ

जोरविजोर प्रणाली उल्लङ्घन गर्ने बढे चेकजाँचमा कडा

सशस्त्र प्रहरीद्वारा ५२ किलो गाँजा पक्राउ

ब्यापक बिरोध पछी घिसिङलाई पुनः ४ वर्षे निर्देशकमा प्रस्तावको तयारी