(महेन्द्र सिंह) बाँके । नेपालगन्जमा हाल मुलुकका धेरै जसो स्थानमा वायुमण्डल स्थिर अवस्थामा नै रहिरहेकाले कोहलपुरको वायु पनि प्रदुषण भएको हो । प्रदूषणका कणहरु छरिन नपाई वायुमण्डलको तल्लो तहमै तैरिएका कारण असामान्य प्रकारको तुवाँलो लागेको हो । धेरै स्थानमा लागिरहेको डढेलोबाट सिर्जित धुवाँका कणहरु वायुमण्डलमा सञ्चित हुन गई असामान्य प्रकारको तुवाँलोको अवस्था आएको जल तथा मौसम विज्ञान विभागले जनाएको छ । सोमबार कोहलपुरमा लागेको तुवाँलोका कारण आँखा तथा नाक पोल्ने जस्ता सामान्य समस्या देखा परेको थियो । बाँके सहित कोहलपुरमा बिहान बेलुका चिसो बढ्न थालेको छ । वायुमण्डलमा तुवाँलो र प्रदूषण बढेका कारण चिसो पनि बढेको मौसमविद्ले बताएका छन् ।
