(ABC=Sanchar)
दाङ । देउखुरीको राजपुर गाउँपालिकाले आफ्नो ७ वटै वडाका नागरिकहरुको नि:शुल्क कोरोना एनटिजन परिक्षण गर्ने भएको छ ।
राजपुर स्वास्थ्य शाखाको आयोजनमा गाउँपालिका भित्रका नागरिकहरुको नि:शुल्क कोरोना एनटिजन परिक्षण गर्न लागेको उक्त कार्यक्रम आज वडा नम्बर १ देखि शुरु गरेको हो ।
त्यस्तै वडा नम्बर १ कठबेरुवामा सोमबार नि:शुल्क १२ जनाको कोरोना एनटिजन परिक्षण गरिएको मध्यमा १ जना पुरुषमा पोजेटिभ देखिएको वडा नम्बर १ का वडा अध्यक्ष बिष्ण बहादुर बुढाले जानकारी दिनु भयो ।
यस्तै संक्रमीत पुरुषलाई राजपुर गाउँपालिकाले वडा नम्बर ६ गंगदीमा निर्माण गरेको आइसोलेशन अस्पतालमा भरना गरिएको अध्यक्ष बुढाले जानकारी दिनु भएको छ ।
त्यसैगरी जेष्ठ २५ गते भोलि वडा नम्बर २ बेलामा सो कार्यक्रम संचालन गरिने छ भने क्रमशः वडा नम्बर ७ सम्म कोरोना एनटिजन परिक्षण गरिने राजपुर स्वास्थ्य शाखाका प्रमुख कमल बहादुर रोकायले जानकारी दिनु भयो ।
