ABC (क्राईमबिट)
रुपन्देही । सशस्त्र प्रहरीले अवैध रुपमा भारततर्फ लैजादै गरेको करिब ६ लाख रूपैयाँ बराबरको सुपारी बरामद गरेको छ।
रुपन्देही सिद्धार्थनगर नगरपालिकाको सीमा ईलाका हुँदै अवैध रुपमा भारततर्फ कटिङ्ग सुपारी चोरी निकासी हुँदैछ भन्ने विशेष सूचनाको आधारमा २० वटा बाेरामा राखेको करीब ६ लाख रूपैयाँ बराबरको १ हजार किलो सुपारी सशस्त्र प्रहरी बल, नेपाल नं. २७ गण हे.क्वा. रुपन्देहीबाट सशस्त्र प्रहरी निरीक्षक ताम्रजंग बस्नेतको कमाण्डमा खटिएको टोलीले बिहीबार बिहान बरामद गरेको हाे।
उक्त कटिङ्ग सुपारी भैरहवा भन्सार कार्यालय, बेलहियामा बुझाउने प्रक्रियामा रहेको एसपी राजेश उप्रेती बताए।
साथै उक्त कटिङ्ग सुपारीलाई कहाँबाट ल्याएको र ओसार-पसार कार्यमा को-को संलग्न छन् भन्ने विषयमा थप अनुसन्धान भईरहेको एसपी उप्रेती जानकारी दिए।
