नेपालगन्जबाट जाजरकोट जादै गरेको बस दुर्घटना हुँदा ५ जना मृत्यु

(ABC-Sanchar)
जाजरकोट । बस दुर्घटना हुँदा पाँच जनाको ज्यान गएको छ । भने २७ जना घाइते भएका छन् । नेपालगञ्जबाट रुकुम पश्चिमको आठबिसकोट नगरपालिकाको राडिबजारका लागि छुटेको ना ६ ख २७५७ नम्बरको बस गएराति जाजरकोटको भेरी नगरपालिका–१३ बराहचौर नजिकै दुर्घटना भएको जिल्ला प्रहरी कार्यालय जाजरकोटले जनाएको छ ।

बसमा ३२ जना यात्रु थिए । ज्यान गुमाउनेको परिचय खुल्न नसकेको र घाइते २७ जनाको जिल्ला अस्पताल जाजरकोटमा उपचार भइरहेको जाजरकोटका डीएसपी मधुकुमार थापाले जानकारी दिए ।