१६ चैत्र २०८०, शुक्रबार
29-03-2024 , Fri
×

राष्ट्रियसभा निर्वाचनको तयारी पुरा माघ १२ गते विहान ९ बजेदेखि मतदान हुने

Logo
प्रकाशित मंगलबार, माघ ११, २०७८


(ABC-Sanchar)
दाङ । लुम्विनी प्रदेशमा बुधवार हुने राष्ट्रिय सभाको निर्वाचनको तयारी पुरा भएको छ । निर्वाचनका लागि सम्पूर्ण तयारी पुरा भएको प्रदेश निर्वाचन कार्यालय दाङले जनाएको छ । निर्वाचनका लागि १ मतदान स्थल निर्धारण गरिएको छ भने २ मतदान केन्द्र निर्धारण गरिएकोे प्रदेश निर्वाचन कार्यालय दाङका सुचना अधिकारी गेहेन्द्र कुँवरले वताए ।

एउटामा प्रदेश सभाका सदस्यले मतदान गर्ने छन् भने अर्का मतदान केन्द्रबाट पालिकाका प्रमुख तथा उपप्रमुखहरुले मतदान गर्ने छन् । २ वटा मतदान केन्द्रका लागि निर्वाचनका लागि १८ जना कर्मचारी परिचालन गरिने भएको छ । आवश्यक मात्रामा सुरक्षाकर्मी परिचालन हुनेछन् । बाहिर स्वास्थ्यकर्मीहरु रहने भएका छन् । सुरक्षा मापदण्ड अपनाएर मतदान गरिने प्रदेश निर्वाचन कार्यालयले जनाएको छ ।

मतदान विहान ९ वजेदेखि ३ वजेसम्म हुने सुचना अधिकारी कुवरले बताए । ‘राष्ट्रियसभा निर्वाचनको सम्पूर्णत तयारी पुरा भएको छ’,उनले भने,‘मतदानका लागि कर्मचारी मिलन केन्द्रमा मतदान केन्द्रहरु निर्माणको काम भैसकेको छ ।’ उनका अनुसार मतदान सकिए लगतै मतगणना सुरु गरिने बताए ।

वुधवार नै नतिजा प्रकाशन गर्ने गरि तयारी भएको सुचना अधिकारी कुवरले बताए । लुम्बिनी प्रदेशमा ३ जनाको लागि निर्वाचन हुन लागेको हो । लुम्बिनी महिला, दलित तथा अन्य समुदायका लागि निर्वाचन हुन थालेको प्रदेश निर्वाचन कार्यालयले जनाएको छ ।

राष्ट्रिय सभाको निर्वाचनमा सत्तारुढ दलको तर्पmबाट ३ जना र नेकपा एमालेको तर्फबाट तीन जना उम्मेदवारले उम्मेदवारी दिएका छन् । सत्तारुढ दल अन्र्तगत नेपाली कांग्रेसबाट बाँकेका युवराज शर्मा, नेकपा (एकीकृत समाजवादी) बाट पाल्पाकी राजेन्द्रलक्ष्मी गैरे र राष्ट्रिय जनमोर्चा (राजमो) को तर्फबाट रुपन्देहीका तुलप्रसाद विश्वकर्मा उम्मेदार रहेका छन् ।

एमालेको तर्फबाट दाङ घोराहीका रामदयाल गुप्ता, बाँकेकी भारती खनाल उपाध्याय र गुल्मीका कृष्ण सुनारले मनोनयन दर्ता गराएका छन् । लुम्बिनी प्रदेशमा प्रदेश सभा सदस्य ८१ र स्थानीय तहका प्रमुख र उपप्रमुख २ सय १५ गरी २ सय ९६ मतदाता छन् । राष्ट्रिय सभा सदस्यको निर्वाचनमा स्थानिय तहका प्रमुख, उप प्रमुख तथा प्रदेश सभाका सदस्यहरुले मतदान गर्ने पाउने व्यवस्था छ ।

घोराहीको कर्मचारी मिलन केन्द्रमा मतदान हुने भएको प्रदेश निर्वाचन कार्यालयले जनाएको छ । राष्ट्रिय सभाका २० सदस्यको कार्यकाल आगामी फागुन २० गते सकिँदै छ । उनीहरू मध्य एक जना राष्ट्रपतिबाट मनोनीत हुन् भने १९ जना निर्वाचनबाट आउने छन् । संविधानले राष्ट्रिय सभाका सदस्यको पदावधि सकिनुभन्दा ३५ दिन अघि नै निर्वाचन गरी सक्नु पर्ने व्यवस्था गरेको छ ।

यस्तो लुम्बिनीमा मतभार

लुम्बिनी प्रदेशमा हुने राष्ट्रियसभा निर्वाचनमा सत्ता गठबन्धन बलियो छ । लुम्बिनी प्रदेशमा कुल मतदाता संख्या २ सय ९६ हो । प्रदेश सांसद र स्थानीय तहका प्रमुख तथा उपप्रमुखले मतदान गर्न पाउनेछन् । जसमा प्रदेश सांसद ८१ जना छन् भने स्थानीय तहका प्रमुख तथा उपप्रमुख मतदाताको संख्या २ सय १५ जना रहेको प्रदेश निर्वाचन कार्यालय दाङले जनाएको छ ।

८१ प्रदेशसभा सदस्यको मतभार कुल ३ हजार ८ सय ८८, स्थानीय तहतर्फको कुल मतभार ३ हजार ८ सय ७० गरी प्रदेशको कुल मतभार ७ हजार ७ सय ५८ हुने छ । जसमध्ये प्रदेशसभा सदस्यमा गठबन्धनका नेपाली कांग्रेसका १९, माओवादी केन्द्रका १९, जनता समाजवादी पार्टीका ४, राष्ट्रिय जनमोर्चाका १ र नेकपा एकीकृत समाजवादी पार्टीका १ जना सांसद छन् । जसको कुल मतभार २१ सय १२ हुन्छ ।

स्थानीय तहतर्फ कांग्रेसका ६३, माओवादीका ३६, जसपाका १३, राजमोका ५ र नेकपा एकीकृत समाजवादीका ४ प्रमुख तथा उपप्रमुख छन् । गठबन्धनको स्थानीय तहतर्फको कुल मतभार २ हजार १ एक ७८ हुन्छ । प्रदेशसभा र स्थानीय तह दुवैतर्फ गरी जम्मा लुम्बिनीमा गठबन्धनको कुल मतभार ४ हजार २ सय ९० छ । त्यसैगरेर एमालेको प्रदेशसभामा ३६ र स्थानीय तहतर्फ ८८ प्रमुख तथा उपप्रमुख छन् ।

जसमा प्रदेशसभातर्फको मतभार १ हजार ७ सय २८ र स्थानीय तहतर्फको मतभार १ हजार ५ सय ८४ गरि जम्मा एमालेको लुम्बिनी प्रदेशमा कुल मतभार ३ हजार ३ सय १२ रहेको छ । यस आधारमा सत्तारुढ गठबन्धन ९ सय ७८ मतभारले एमालेभन्दा अघि छ । लुम्बिनीमा प्रदेशसभा सदस्यमा एक र स्थानीय तहमा ४ मत स्वतन्त्रतर्फको रहेको छ । स्वतन्त्रतर्फको कुल मतभार १ सय २० रहेको प्रदेश निर्वााचन कार्यालयले जनाएको छ ।

कमेन्ट गर्नुहोस्
सम्बन्धित

(एबिसि संचार ) होली खेलेर सुनकोशीमा नुहाउने क्रममा तीन दिनअघि बेपत्ता भएका त्रियुगा नगरपालिका–१४ साउनेकी रेखा मगरको शव बुधबार बिहान फेला परेको छ । जिल्ला प्रहरी कार्यालय उदयपुरका अनुसार आज बिहान साउनेको धाप्लाङदेखि ६ किलोमिटर तल सूर्यढुङ्गा भन्ने स्थानमा १२ वर्षीया रेखा मगरको शव फेला परेको प्रहरीले जनाएको छ ।

(एबिसि संचार ) कैलालीको धनगढीबाट लागूऔषधसहित एक जना पक्राउ परेका छन्। जिल्लाको गोदावरी नगरपालिका–१० का २२ वर्षीय तेजबहादुर बोहरा लागुऔषधसहित पक्राउ परेका हुन्। धनगढी उपमहानगरपालिका–३ बाट उनी ५० मिलिग्राम ब्राउनसुगर र ९६ क्याप्सुल प्रिगाबा र १० क्याप्सुल एभिनसहित पक्राउ परेका छन्। 

(एबिसि संचार ) कञ्चनपुरमा डिभिजन वन कार्यालयभित्रै चितुवाले एक जनालाई आक्रमण गरेको छ। डिभिजन वन कार्यालय महेन्द्रनगरमा सशस्त्र वन रक्षकतर्फ जमदार पदमा कार्यरत अर्जुनसिंह थापालाई चितुवाले आक्रमण गरेको हो। डिभिजिन वन कार्यालयका प्रमुख भीम कडेलले चितुवालाई बेहोस बनाएर खोरमा हाल्ने क्रममा थापामाथि आक्रमण गरेको बताए। बेहोस भइसकेको ठानेर खोरमा लैजान खोज्दा चितुवा थापामाथि झम्टिएको थियो।