ABC (क्राईमबिट)
पर्सा । पछिल्लो समय मोटरसाइकल चोरीका घटनामा वृद्ध भएपछि प्रहरीले सक्रियता बढाएको छ । जिल्ला प्रहरी कार्यालय पर्साले पछिल्लो एक महिनामा दर्जनभन्दा बढी मोटरसाइकल चोरलाई नियन्त्रणमा लिएको छ ।
पर्सा जिल्लाका प्रहरी प्रमुख एसपी रमेश कुमार बस्नेतको निर्देशनमा प्रहरीले अभियान सञ्चालन गरेर मोटरसाइकल चोरहरुलाई नियन्त्रणमा लिन थालेको हो ।
प्रहरीले जिल्लाको सदरमुकाम वीरगञ्जमा मोटरसाइकल चोरहरुलाई पक्राउ गर्ने अभियान चलाएको जिल्ला प्रहरी कार्यालय पर्साले जनाएको छ । वीरगञ्जका विभिन्न स्थानबाट मोटरसाइकल चोरी गरिरहेको, चोरेर भाग्दै गरेको र चोरी भएपछि अनुसन्धान गरेर मोटरसाइकलसहित दर्जनौं चोरलाई पक्राउ गरिएको पर्सा प्रहरीको पछिल्लो तथ्यांकले देखाउछ ।
पर्सा प्रहरीले माघ १९ गते मंगलवार राती १० बजेको समयमा वीरगञ्ज महानगरपालिका वडा नम्बर १५ भिष्वा चोकमा पार्किङ्ग गरेर राखिएको मोटरसाइकल चोरेर भाग्दै गरेका वीरगञ्ज महानगरपालिका वडा नम्बर २ निवासी मोहमद अलीलाई पक्राउ गरेको थियो ।पर्सा जिल्लामा शान्ति सुरक्षा व्यवस्था कायम गर्न, तस्करी नियन्त्रण गर्न, अपराधीक घटना हुन नदिन पर्सा प्रहरीले कुनै कसर बाकी नराख्ने एसपी बस्नेतले प्रतिबद्धता व्यक्त गरेका छन् ।
