मेगमन बुढा
दाङ । देउखुरीको लमही नगरपालिका वडा नम्बर ५ मा रहेको चप्पर खोला प्रगतिशिल सामुदायिक वन उपभोक्ता समुहमा लमही खानेपानी उपभोक्ता तथा सरसफाइ संस्थाले ५ हजार वृक्षारोपण कार्य सम्पन्न भएको छ ।
डिभिजन वन कार्यालय दाङ (देउखुरी)लमहीको ५ हजार बिरुवा सहयोगमा लमही खानेपानी उपभोक्ता तथा सरसफाइ संस्थाले एक कार्यक्रमको आयोजना गरि सोमबार चप्पर खोला प्रगतिशिल सामुदायिक वन उपभोक्ता समुहको साढे ३ हेक्टर नाङ्गो जमिनमा
सिसौं,खयर,सागुन लगायतका बिरुवा रोपिएको हो ।
खानेपानी संस्थाका अध्यक्ष जंगबहादुर चौधरीको अध्यक्षता तथा लमही नगरपालिकाका प्रमुख मेयर जोगराज चौधरीको प्रमुख आतिथ्यता तथा वडा नम्बर ५ का वडा अध्यक्ष ओम प्रकाश सुवेदी (सागर)को विशेष अतिथीमा शुरु भएको कार्यक्रममा
प्रमुख अतिथि चौधरीले बाताबरण र मानिस बीचको सम्बन्धले बाेटबिरुवाबाट प्राणि जगतमा महत्त्वपूर्ण भुमिका खेल्ने र त्यसबाट लाभदयिक हुने बताउनु भयाे ।
त्यस्तै देउखुरी डिभिजन वन कार्यालय दाङ (देउखुरी)का डिभिजनल वन अधिकृत राजु क्षेत्रीले बिरुवा रोप्नु भन्दा अघि टेक्निकल कुराहरु ध्यान दिएर बिरुवा रोप्नु पर्ने बताउनु भयो । यस्तै उहाँले प्रमुख कुराहरु खाड्ल कसरी खन्ने,बिरुवालाई छोपिएका पलास्टिक कसरी हटाएर मात्र बिरुवा रोप्ने भन्ने बारेमा जानकारी गराउनु भएको थियो ।
त्यस्तै बिरुवा राेप्ने काम र यसकाे बास्तबिक महत्त्व बुझेर सम्रक्षण तथा सम्बर्द्धन गर्न सकेमा मात्र यसकाे अर्थ र अैाचित्य साबित हुने प्रमुख डिभिजनल अधिकृत क्षेत्रीले बताउनु भयाे ।
यसैगरी लमही खानेपानी उपभोक्ता तथा सरसफाइ संस्थाका अध्यक्ष जंगबहादुर चौधरीले आफ्नो संस्थाबाट रोपिएको बिरुवाहरुलाई नहुर्काउदासम्म यसको संरक्षण र संवर्धनको लागि निरन्तर लागि पर्ने बताउनु भएको छ । वातावरण संरक्षण तथा संवर्धन वृक्षारोपण भन्ने मेन उदेश्यका साथमा गरिएको वृक्षारोपण कार्यक्रमको संचालन लमही खानेपानी उपभोक्ता तथा सरसफाइ संस्थाका सचिव बसन्त आचार्यले गर्नु भएको थियो ।
