ABC (क्राईमबिट)
पर्सा । बिरगंज आइपिएल अन्तर्गत बुधबार राति भएको मुम्बई र लखनउबीचको म्याचमा अनलाइन सटाबाजी गर्ने ४ जनालाई वीरगञ्ज–१५ स्थित सञ्जय श्रीवास्तवको घर बाट प्रहरीले पक्राउ गरेका थिए ।
पक्राउ पर्नेहरुमा बारा कलैया उपमहानगरपालिका वडा नाे.४ का सरोज साह,सर्लाही रामनगर गाउँपालिका वडा नाे.६ काे सन्तोष कुमार यादव,जिल्ला पर्सा वीरगन्ज महानगरपालिका–२४ का धुरेन्द्र यादव र भारत उत्तर प्रदेशका गोरखपुर देवरियाका मुन्ना भन्ने धर्मनाथ प्रसाद जैसवाल रहेको पर्सा जिल्ला प्रहरी कार्यालयका प्रवक्ता प्रहरि नायब उपरीक्षक दिपक गिरीले जानकारी गराउनु भएको छ।
पक्राउ परेका ४ जनाको साथबाट सट्टाबाजीमा प्रयोग भएको मोबाइल, ल्यापटप तथा नेपाली नगद तीन लाख ९० हजार ५०० र भारतीय नगद १५ हजार ७५० रुपैयाँ, खेलको लाइभ हेर्न प्रयोग भएको एलईडी समेत बरामद गरिएको पर्साका प्रहरी प्रबक्ता डिएसपी दीपक गिरीले जानकारी दिए।
पक्राउ परेका चारै जनालाई अनलाइन सटाबाजी सबन्धी कसुरमा जिल्ला प्रशासन पर्साबाट म्याद थप गरि कारवाही प्रक्रिया अघि बढाइएको गिरीले बताए।हरेक बर्ष बारा र पर्सा बाट आइपिएलमा सटाबाजी गरेको आरोपमा प्रहरीले पक्राउ गर्ने गरेको छ ।
