(ABC-Sanchar)
बाँके । नेपालगन्ज उपमहानगरपालिका अन्तरर्गत रहेका वडा कार्यालयमै घुस लेनदेन हुने गरेको छ । नेपालगन्जको वडा नम्बर १३ का कार्यवाहक वडाअध्यक्ष र कार्यालय सहयोगी घुससहित पक्राउ परेपछि यस्तो तथ्य बाहिर आएको हो ।
अख्तियार दुरूपयोग अनुसन्धान आयोगले वडाध्यक्ष दिलावर कवडिया र कार्यालय सहयोगी गंगाराम बृजवासीलाई शुक्रबार पक्राउ गरेको हो । अख्तियारका अनुसार कृषि अनुदानका लागि सिफारिस गरिदिए वापत उनीहरुले सेवाग्राहीसँग घुस मागेका थिए ।
सेवाग्राहीसँग घुस मागेको सूचनाका आधारमा अख्तियार दुरुपयोग अनुसन्धान आयोग सम्पर्क कार्यालय नेपालगन्जबाट खटिएको विशेष टोलीले कार्यवाहक वडा अध्यक्ष कवडिया र कार्यालय सहयोगी बृजवासीलाई नगद ९ हजार सहित पक्राउ गरेको थियो । उनीहरुलाई हिरासतमा राखेर अनुसन्धान भइरहेको अख्तियारले जनाएको छ ।
