ABC (क्राईमबिट)
काठमाडौं । राष्ट्रिय प्रहरी प्रशिक्षण प्रतिष्ठान, महाराजगंजस्थित जिम हलमा विभिन्न खेलकुद प्रतियोगिताहरुमा पदक प्राप्त गर्न सफल नेपाल प्रहरीका फुटबल, भलिबल, एथ्लेटिक्स तथा ब्याडमिण्टन खेलका खेलाडी तथा अफिसियलहरुलाई प्रतिष्ठानका कार्यकारी निर्देशक एवं नेपाल प्रहरी खेलकुद समितिका सदस्य सचिव प्रहरी अतिरिक्त महानिरीक्षक टेक प्रसाद राईको प्रमुख आतिथ्यतामा “खेलाडी सम्मान कार्यक्रम” सम्पन्न भयो ।
राष्ट्रिय प्रहरी प्रशिक्षण प्रतिष्ठानका निर्देशक एवं नेपाल प्रहरी खेलकुद समितिका सह-सचिव प्रहरी नायव महानिरीक्षक रबिन्द्र के.सी.ज्यू, सह-निर्देशकज्यूहरु, नेपाल प्रहरी अपराध अनुसन्धान विद्यालयका प्रधानाचार्यज्यू, प्रतिष्ठानका उप-उपनिर्देशकज्यूहरु, सि.प्र.अ, जु.प्र.अ. लगायत विभिन्न खेलका खेलाडी तथा प्रशिक्षकहरुको उपस्थिति रहेको उक्त कार्यक्रममा फुटबल, भलिबल, एथ्लेटिक्स, ब्याडमिण्टन लगायतका खेलकुद प्रतियोगिताहरुमा नेपाल 
प्रहरीको तर्फबाट सहभागी भई उत्कृष्ट खेल प्रदर्शन गरी पदक प्राप्त गर्न सफल ७७ जना खेलाडी तथा अफिसियलहरुलाई प्रमुख अथितिज्यूले बधाई ज्ञापनका गर्नुका साथै अविर र खादा लगाई सम्मान गर्नु भयो ।
सो अवसरमा प्रमुख अतिथिज्यूबाट खेलाडीहरुलाई बधाई ज्ञापन तथा निर्देशन सम्बोधन गर्ने क्रममा खेल भावना अनुसार उच्च अनुशासनमा रहि आफ्नो खेल कौशल प्रदर्शन गरी संगठनको श्रीबृद्धि गर्न निर्देशन दिनुका साथै खेलाडीहरुको हितको निम्ति सदैव प्रयासरत रहने प्रतिबद्धता समेत व्यक्त गर्नु भयो ।
