(ABC-Sanchar)
काठमाडौं । बुधवार बसेको मन्त्रिपरिषद् बैठकले नवनियुक्त दुईसहित प्रदेशका थप दुई सचिवको सरुवा गरेको हो ।
प्रशासन सिंहदरवार विशेष ब्युरोलाई प्राप्त विवरण अनुसार केही दिन अघि बढुवा भएका सचिव घनश्याम उपाध्यायलाई बागमती प्रदेशको प्रमुख सचिवमा खटाउँदै त्यहाँका प्रमुख सचिव मुकुन्द निरौलालाई उद्योग मन्त्रालयमा ल्याएको छ ।
यसैगरी सचिव लक्ष्मी विष्टलाई गण्डकी प्रदेशको प्रमुख सचिवमा पठाउँदै त्यहाँका प्रमुख सचिव रविलाल पन्थलाई राष्ट्रिय तथ्यांक कार्यालयमा सरुवा गर्ने निर्णय गरेको ती उच्च स्रोतले प्रशासनलाई जानकारी दिए । तर यही बिचमा युवा तथा खेलकुद सचिव सूर्य प्रसाद गौतमलाई राष्ट्रिय तथ्याँक कार्यालय पठाएर त्याहाँ पन्थको हुन सक्ने पनि उत्तिकै सम्भावना रहेको ती स्रोतको भनाई छ । सो क्रममा मिलाउँदै जाँदा अरु दुई–चार जना नै थपिन पनि सक्नेछन् ।
निरौला करिब १७ महिना र पन्थ २० महिनापछि संघमा आउँदै छन् ।
