दाङको तुलसीपुरमा ११ वर्षिया बालिका बलात्कृत आरोपित फरार प्रहरीको खोजी जारी

ABC (क्राईमबिट)

दाङ । तुलसीपुर उपमहानगरपालिका ११ बाघखोली निवासी ११ वर्षिया बालिका बलात्कृत भएको इलाका प्रहरी कार्यालयका प्रहरी निरीक्षक पर्वत केसीले जानकारी दिए ।

बालिकालाई बलात्कृत गर्ने सोही ठाउँ निवासी २८ वर्षिय सुनिल विक रहेको प्रहरीले बताएको छ । यो घटना साउन २ गते घटे पनि पिडीत बालिका स्वास्थ्य चौकीमा चेकजाँच गराउन गएपछि मात्रै ४ गते (बिहीबार) बेलुका ७ बजेतिर बाहिरीएको हो ।

घरमा बुवाआमा नभएको मौका छोपेर बलात्कार गरेको पिडित बालिकाले बयान दिएको प्रहरीले जनाएको छ । अहिले बालिकाको स्वास्थ्य अवस्था सामान्य रहेको प्रहरीले बताएको छ ।

त्यस्तै घटना घटेको केही दिन भैसकेकोले आरोपित विक फरार रहेको प्रहरीले जनाएको छ । आरोपित विकको खोजीकार्य जारी रहेको दाङ प्रहरीले जनाएको छ ।