ABC (क्राईमबिट)
काठमाडौं । राष्ट्रिय अनुसन्धान विभाग भक्तपुर कार्यालयका प्रमुख फेरिएका छन् । उप-अनुसन्धान अधिकृत एसपी टेकराज तिमल्सिना भक्तपुर प्रमुख भएका हुन् ।
राष्ट्रिय अनुसन्धान विभागको प्रमुखमा हुतराज थापा नियुक्त भएपछि विभागको महत्त्वपूर्ण मानिने प्रशासन शाखामा तिमल्सिनालाई तानिएको थियो ।
निवर्तमान जिल्ला प्रमुख प्रकाश आचार्य सरुवा भई विभाग पुगेका बताइएको छ । उप अनुसन्धान अधिकृतद्वय तिमल्सिना र आचार्य दुवै विभाग प्रमुख थापाका विश्वासपात्र मानिन्छन् ।
राष्ट्रिय अनुसन्धान विभाग नेपालको संविधानमा व्यवस्था भएबमोजिम संघमा रहने गरी स्थापित इन्टेलिजेन्स संस्था हो । केही वर्ष अघि गृह मन्त्रालय मातहत रहेको यो विभाग पछिल्लो समय सिधै प्रधानमन्त्री तथा मन्त्रिपरिषद्को कार्यालय मातहत रहेको छ ।
