(एबिसि संचार ) सवारी दुर्घटना न्यूनीकरण गर्न मोरङमा प्रहरीले निगरानी बढाएको छ । मादक पदार्थ सेवन गरी सवारी साधन चलाउँदा दुर्घटना बढेको पाइएपछि प्रहरीले निगरानी बढाएको हो ।मोरङका ट्राफिक प्रमुख प्रहरी निरीक्षक सुमन न्यौपानेका अनुसार मापसे गरेर सवारी चलाउने प्रवृत्ति बढेको पाइएपछि कडाइ गर्न थालिएको हो ।यसअघि साँझको समयमा मात्र यस्तो जाँच गरिँदै आएकामा अब भने दिउँसो पनि निगरानी गरी जाँच गर्न थालिएको ट्राफिक प्रहरीले जनाएको छ ।ट्राफिक प्रहरीले एम्बुलेन्स, सिटी सफारी, अटो रिक्सा, विद्यालयका सवारीसाधन, ट्याक्टर लगायतका सवारीसाधनका चालकहरुको जाँच गर्ने क्रम तीव्र बनाएको छ । त्यस क्रममा कतिपय चालकहरुले मादक पदार्थ सेवन गरी सवारी साधन चलाएको पाइएपछि कारबाही गर्न थालिएको छ ।
