०३ आषाढ २०८१, आइतबार
16-06-2024 , Sun
×

राप्ती नदिमा खसेको बस निकालियाे पूलमा हुने भयो निकै जोखिम

Logo
Abc Sanchar प्रकाशित मंगलबार, माघ ०२, २०८०

 

बिदुर एम सी,

माघ ०२, भालुवाङ ।
भालुवाङकाे राप्ती पूलबाट तल बगरमा खसेको डिलक्स बस क्रेनकाे सहायताले माथि सडकमा निकालिएको छ । सोमबार दिउँसो र रातिको कोशिशले बस माथि सडकमा ल्याइएको छ ।

जहाँबाट बस खसेको थियो, त्यहीँबाट सोही बसलाई निकाल्दाखेरि पूलको छेउको बाँकी रहेको रेलिङबार पनि भाँचिएको छ । यसरी बस खस्दा र निकाल्दा रेलिङबार भाँचिएको हुनाले पूल निकै जोखिम बनेको छ । सम्बन्धित निकायले पूलको भाँचिएको रेलिङबार बनाउन समयमै ध्यान दिएन भने त्यस ठाउँबाट अझै कति दुर्घटना हुने हुन् भन्नेमा सबैमा त्रास छाएको छ । तसर्थ, त्यो रेलिङ यथाशीघ्र बनोस्, सबैलाई यही आशा लागिरहेछ ।

गत शुक्रबार रातिको १० बजेतिर नेपालगञ्जदेखि राजधानी काठमाडौंतर्फ जाँदै गरेको भे १ ख ३९१२ नम्बरको यात्रुबाहक डिलक्स बस अनियन्त्रित भई पूलको रेलिङबार भत्काएर राप्ती नदिको बगर कुनामा बजारिएको थियो ।

दुर्घटनामा परेर १२ यात्रुको तत्काल मृत्यु भएको र बसका चालक, सह चालक सहित अरु २३ यात्रु घाइते भएका थिए । राप्ती नदिको किनार अत्यन्तै चिसो मौसम, अँध्यारो रातिका बावजूद पनि भालुवाङ बजारका स्थानीयबासिन्दा व्यवसायी, अस्थायी ट्राफिक पाेष्ट भालुवाङ, ईलाका प्रहरी कार्यालय भालुवाङ र सशस्त्र प्रहरी बल २९ नम्बर ज्वालामाई गण भालुवाङ्को संयुक्त प्रयासले दुर्घटनाका घाइते तथा मृत्यु भएकाहरुलाई अति छिटो उध्दार गर्न संभव भएको थियो ।

आफ्नो गल्ती ढाकछोप गर्न बसका चालक, सह चालकले घटनाको ताेडमाेड गरेर बताएका छन् । तर अत्यन्तै तिब्र गतिका कारणले सिधा बाटोमा पनि बस अनियन्त्रित भएर पूलकाे रेलिङबार भत्काएर पूलको तल बगरमा उत्तानो अवस्थामा पल्टिएको थियो ।
निकै हुइँकिएर चलेको,त्यहीँ ड्युटीमा तैनाथ ट्राफिकले सिठ्ठी फुकेर राेक्न खोज्दा पनि नरोकिएको र नजिकै पूलमा गएर डरलाग्दो आवाज सहित पूलबाट खसेको स्थानीयबासीहरु बताउँछन् । एउटा चालकको चरम लापरबाहीले यति ठूलो जनधनको क्षति भएकोमा आम नागरिकहरुले साह्रै दुख पोखेका छन् । सर्व साधारण नागरिकको भनाइलाई आधार मान्ने होभने उक्त बस दुर्घटनामा सरासर चालककाे गल्ती देखिन्छ ।

कमेन्ट गर्नुहोस्
सम्बन्धित

(ABC-Sanchar) काठमाडौं । पहिरोले मध्यपहाडी राजमार्ग अवरुद्ध पाँचथर पहिरोको जोखिम बढेपछि पाँचथरको याङवरक गाउँपालिका ३ का ६० घर परिवारलाई सुरक्षित स्थानमा सारिएको छ । साविक ओयाम गाविसका चोथ्रोक, फाक्लुङमा बसोबास गर्दै आएका ती घर परिवारलाई वडा कार्यालय, गाउँपालिका र प्रहरीको सहकार्यमा सुरक्षित ठाउँमा सारिएको हो । वडाध्यक्ष बिमल राईका अनुसार चोथ्रोकका नागरिकलाई नजिकै रहेको सेमिच्याङ […]

(सिमा गुरुङ) बुटवल । केन्द्रका समादेशक प्रहरी वरिष्ठ उपरीक्षक हिमालय कुमार श्रेष्ठबाट कार्यालयको सम्पूर्ण वस्तुस्थिति, कोत गारदको निरीक्षण साथै यस केन्द्रका प्रहरी कर्मचारीहरु र उन्नत तालिमका प्रशिक्षार्थीहरुको व्यक्तिगत टर्नआउट, ब्यारेक भवन, आदिको निरिक्षण गर्नुको साथै टर्नआउटमा उत्कृष्ट हुने पहिलो,दोश्रो र तेस्रो प्र.क. हरुलाई उत्प्रेरणा अभिवृद्धि स्वरुप “समादेशक निरिक्षण TOKEN PRIZE” समेत प्रदान गर्नुभएको थियो ।

(रोशन निधि) पर्सा । पटेर्वा सुगौली गाउँपालिका वडा नं.४ भथौडा बस्ने वर्ष २३ को अमित कुमार चौधरीले आफ्नै गाईगोठमा लागु औषध गाँजा लुकाइ छिपाइ राखिएको छ भन्ने विशेष सूचनाको आधारमा मीति २०८१-०३-०१गते अन्दाजी १६:०० बजेको समयमा यस कार्यालयबाट खटिएको प्रहरी टोलीले कानूनी रितपुर्‍याइ खानतलासी गर्दा उक्त गोठको भुषमा लुकाइ छिपाइ राखिएको लागु औषध गाँजा ७ […]