(एबिसि संचार )
हुण्डी कारोबार गरेको आरोपमा प्रहरीले दुई जनालाई पक्राउ गरेको छ।
केन्द्रीय अनुसन्धान ब्युरो (सिआइबी)ले बिहीबार दुई जनालाई स्रोत नखुलेको ३० लाख नगदसहित पक्राउ गरेको एसपी नवराज अधिकारीले जानकारी दिए।
काठमाडौंको अनामनगर बस्ने ५० वर्षीय युवराज प्रसाईं र सुनसरी घर भई बौद्ध नयाँ बस्ती बस्ने ३० वर्षीय विश्वास राई पक्राउ परेका हुन्।
प्रसाईंको घरमा हुण्डी कारोबार भइरहेको भन्ने सूचना प्रहरीले पाएको थियो। उक्त सूचनाको आधारमा खटिएको ब्युरोको टोलीले सुरूमा प्रसाईंलाई पक्राउ गरेको थियो। उनीमाथि सोधपुछ गरी प्रहरीले नयाँ बस्तीबाट राईलाई पक्राउ गरेको थियो। उनको कोठामा तलासी लिँदा प्रहरीले स्रोत नखुलेको ३० लाख १८ हजार रुपैयाँ बरामद गरेको थियो।उनीहरूमाथि प्रहरीले नेपाल राष्ट्र बैंक ऐन, २०५८ अन्तर्गत कसुरमा अनुसन्धान अघि बढाएको छ। उनीहरूलाई हिरासतमा राख्न जिल्ला अदालत काठमाडौंले प्रहरीलाई अनुमति दिएको छ।