(एबिसि संचार ) सर्लाहीको कविलासी नगरपालिका–१०, सलेमपुर चोकस्थित साइकलयात्रीलाई ठक्कर दिएपछि यात्रुवाहक बसमा आगजनी गरिएको छ । सोमबार बिहान साइकलयात्रीलाई ठक्कर दिएपछि ग२ख १४४० नम्बरको यात्रुवाहक बसमा आगजनी गरिएको हो । बसको ठक्करबाट कविलासी नगरपालिका–१०, सलेमपुरका जुगल किशोर महतो गम्भीर घाइते भएका छन् । महतोलाई प्रादेशिक अस्पताल मलङ्गवामा प्राथमिक उपचारपछि थप उपचारका लागि काठमाडौँ पठाइएको प्रहरीले जनाएको छ ।