(ABC-Sanchar)
काठमाडौं । सोमबार दिउँसो पौने १ बजेतिर जाल्पारोडका एक स्थानीयको घरको गेटमा पुरुष शिशु फेला परेको प्रहरीले जनाएको छ ।
स्थानीयले नवजात शिशु कसैले छाडेर फरार भएको भनी खबर गरेपछि पुगेको प्रहरीले बालकलाई उद्धार गरी पश्चिम क्षेत्रीय अस्पताल पठाएको छ । शिशु हल्का बिरामी देखिए पनि ठुलो समस्या नरहेको र उपचार भइरहेको कास्कीका प्रहरी प्रवक्ता प्रहरी नायब उपरीक्षक वसन्तकुमार शर्माले बताउनुभयो ।
“कसैले छाडेर शिशु छाडेर हिँडेको भन्ने जानकारी आयो, जन्मेको दुई/तीनमात्र भए जस्तो देखिन्छ,” शर्माले भन्नुभयो, “घटनाको अनुसन्धान जारी छ ।”
