(रोशन निधि)
महोत्तरी । मधेस प्रदेशको महोत्तरी जिल्लाको गौशाला नगरपालिका–१ रामनगर स्थित एभरेष्ट सुगर मिलबाट उखु किसान हरुले रु .१ अर्ब ६१ करोड १० लाख ६३ हजार रुपैया भुक्तानी लिएकाे छ। एभरेष्ट सुगर मिलका वित्तीय महाप्रबन्धक विमलचन्द्र ठाकुरले १४ हजार पाँच सय किसान हरुलाई उक्त रकम भुक्तानी दिइएको बताउनुभयो । उहाँले भन्नुभयो, “चालु आर्थिक वर्षको किसानको बक्यौता चुक्ता भएको छ ।
समयमै भुक्तानी पाएपछि उत्साहित भएका उखु किसान हरुले थप जमिनमा उखु रोप्ने भनेका छन् । गौशाला नगरपालिका वडा नाे.११ का किसान दिनेश कुशवाहाले थप जमिनमा खेती बढाउने बताउनु भएको छ ।
उक्त मिलले चालु आर्थिक वर्षमा महोत्तरी, धनुषा, सर्लाही र रौतहटका १४ हजार चार सय ४४ जना किसान हरुबाट २९ लाख चार हजार पाँच सय ११ क्विन्टल उखु खरिद गरेर कूल दुई लाख ६४ हजार चार सय ९१ क्विन्टल चिनी उत्पादन गरेको महाप्रबन्धक ठाकुरले जानकारी दिनुभएको छ।
