काठमाडौँ मङ्सिर २४ नेपाल र भुटानबीच आज दिउँसो हुने साग फुटबलको फाइनलको टिकटका विषय विवाद हुँदा प्रहरीले दशरथ रंगशालामा लाठी चार्ज गरेको छ।
मंगलबार १३औं सागको पुरुष फुटबलको फाइनलको लागी टिकट लिन गएका दर्शकमाथि प्रहरीले लाठी चार्ज गरेको हो । यतिसम्म कि प्रहरीले एक जनालाई घेरा हालेर कुटेको थियो । प्रहरीको लाठी लागेर नागरिक दैनिकका पत्रकार सुमन चापागाईं पनि घाइते भएका छन्।
यसअघि सोमबार राष्ट्रिय खेलकुद परिषद्ले विक्रीका लागि खुला गरिएको ८ हजार टिकट नै विक्री भएका थिए। फुटबल फाइनलसँगै समापन समारोह पनि हुने भएकाले यसअघिका खेलहरूमा भन्दा राखेपले कम टिकट विक्रीमा राखेको थियो।
काठमाडौं प्रहरी प्रमुख एसएसपी उत्तमराज सुवेदीले भने बल प्रयोग नगरिएको दाबी गरे । ‘टिकट पाइएन भनेर आएकालाई हट्नुस् भन्दा हटेनन् । त्यसपछि ठेलठाल गरेर हटाइएको हो । बल प्रयोग गरेको छैन’, उनले भने ।

सम्बन्धित

प्रहरीले साधारण जीवनशैलीमा उच्चतम सेवा प्रवाह गर्नुपर्छ:IGP थापा

काठमाडौं प्रहरीले १८ लाख ७८ हजार रुपैयाँसहित ३ जना पक्राउ

महानगरीय ट्राफिक महाशाखाले घुस नलिन १८ जना ट्राफिक प्रहरी सम्मान

Best Police of The Month राजाबाबु यादवलाई घोषित

म माथि हमला भयो भने अनौठो नमान्नुहोला : प्रधानमन्त्री ओली

बन्धक बनाएर परिवारसँग १० लाख फिरौती माग गर्नेहरु पक्राउ