दाङ । घोराही उप-महानगरपालिका वडा नं. १६ वडा कार्यालयको आयोजना तथा जिल्ला प्रहरी कार्यालय दाङको सहकार्य एवं घोराही उप-महानगरपालिका वडा नं.१६ वडा कार्यालयका लैङ्गिक सूचना अधिकारी सुनिता सुनारको अध्यक्षता, वडा अध्यक्ष तारा बहादुर डि.सी.को प्रमुख आतिथ्यता, जिल्ला प्रहरी कार्यालय दाङका प्रहरी निरीक्षक शारदा उप्रेती,वडा सदस्यहरु, समाजसेवीहरु, बिभिन्न टोल विकास समितिका प्रतिनिधिहरु, आमा समूहका प्रतिनिधिहरु, स्वास्थ्य स्वयंमसेवकहरु र स्थानीय महिलाहरुको सहभागितामा ११५ औँ अन्तर्राष्ट्रिय महिला दिवसको अवसरमा “सबै महिला तथा बालबालिकाको लागि अधिकार समानता र सशक्तिकरण” भन्ने मुल नाराका साथ घोराही उपमहानरपालिका वडा नं. १६ स्थित वडा कार्यालयबाट सर्रा चोक हुदै पुन वडा कार्यालय सम्म प्रभातफेरी कार्यक्रम तथा वडा कार्यालयको सभाहलमा आयोजित कार्यक्रममा प्रहरी निरीक्षक शारदा उप्रेतीले लैंगिक हिंसाको अवस्था, लैंगिक हिंसाकै कारण समाजमा कुसस्कार, कुरिती सिर्जना भएको, त्यसले महिला तथा बालबालिकाहरुमा नकारात्मक प्रभाव पारेकोले हामी सबै मिलेर हिंसा, मुक्त समाजको निर्माण गर्नुपर्ने, महिलाले हिंसा सहेर बस्न नहुने, घरेलु हिंसा, बाल विवाह, बहु विवाह एवं लैंगिक हिंसा न्यूनीकरण गर्न स्वयंम व्यक्ति तथा समुदायको भूमिका र हिंसा सम्बन्धि कानुनी व्यवस्था लगायत विषयमा सचेतनामूलक जानकारी दिनु भएको ।
