दाङ । राजपुर देउखुरी बाट लागुऔषध ब्राउन सुगरसहित एक युवकलाई प्रहरीले पक्राउ गरेको छ। पक्राउ पर्ने व्यक्ति राजपुर गाउँपालिका वडा नम्बर-६, गंदीखोलाका २८ वर्षीय दिपक पुन रहेको जिल्ला प्रहरी कार्यालय दाङका प्रवक्ता डीएसपी चक्र बहादुर शाहले जानकारी दिएका छन्।
प्रहरीका अनुसार, घोराही–१७ कटुवा खोला नजिकै लागुऔषध कारोबार भइरहेको भन्ने गोप्य सूचनाका आधारमा प्रहरी टोली परिचालन गरिएको थियो। भने उक्त टोलीले हिजो दिउँसो करिब १:३० बजे पुनलाई नियन्त्रणमा लिएको थियोे ।
प्रहरीले पुनको साथबाट २ ग्राम २६० मिलिग्राम ब्राउन सुगर बरामद गरेको थियोे। भने हाल पक्राउ परेका पुनमाथि आवश्यक अनुसन्धान जारी भैरहेको प्रहरीले जनाएको छ।
