पर्सा । बिरगंज नेपाल प्रहरीका वरिष्ठ सई सागर शमशेर जबरासहित सात जनाविरुद्ध जिल्ला प्रहरी कार्यालय पर्सामा ज्यान मार्ने उद्योग कसुरमा जाहेरी दर्ता भएको हो ।
गत २९ फागुनको राति डायमण्ड पार्टी प्यालेसमा वीरगन्ज महानगरपालिका–२५ का वडाध्यक्ष आशुतोष चतुर्वेदीमाथि निर्घात कुटपिट भएको थियो ।
सोही कुटपिटमा संलग्न रहेको आरोपमा वरिष्ठ सई जबरा, प्रहरी जवान दीपेश क्षेत्री, वीरगञ्जकै वडा नम्बर १० का अध्यक्ष सुशील साह कानु लगायतविरुद्ध जाहेरी दर्ता भएको हो ।
उनीहरुविरुद्ध ज्यान मार्ने उद्योगमा उजुरी दर्ता भएको जिल्ला प्रहरी कार्यालय पर्साले पुष्टि गरेको छ ।
