०३ बैशाख २०८१, सोमबार
15-04-2024 , Mon
×

बारामा जल्दै गरेको शव प्रहरीद्वारा बरामद हत्या भएको आशंका

Logo
प्रकाशित शनिबार, पुष ०५, २०७६

एबिसी सम्बादात बिरगंज पुस ५ वीरगञ्ज बाराको पचरौता नगरपालिका १ पिपरपातीबाट प्रहरीले एक महिलाको शव बरामद गरेको छ । जमुनी खोला छेऊ दशगजा क्षेत्रमा जलाउँदै गरेको अवस्थामा मालती देवीको शव नियन्त्रणमा लिइएको हो ।
मालती स्थानीय रामदयाल महतोको श्रीमती हुन् ।
महतोको घरदेखि चार सय मिटर दूरीमा रहेको नेपाल भारत सीमाना नजिकैबाट जल्दै गरेको शव नियन्त्रणमा लिइएको प्रहरीले जनाएको छ । मालतीको हत्या भएको आशंकामा अनुसन्धानका लागि शव नियन्त्रणमा लिइएको बारा प्रहरीले जानएको छ । रामदयाल दुई सन्तानसहित फरार छन् ।
भारत मोतिहारी जिल्ला जुवाफर गाउँ माइतीघर भएकी मालतीको हत्यापछि शव जलाइएको हुनसक्ने आशंका प्रहरीले गरेको छ । रामदयालले मदिरा सेवन गर्ने गरेको प्रहरीको प्रारम्भिक अनुसन्धानले देखाएको छ ।
इलाका प्रहरी कार्यालय सिम्रौनगढका प्रहरी नायब निरीक्षक विरेन्द्र महतोले कालगतिले मरेको अवस्थामा घरका सदस्यले शव अलपत्र छाडेर नभाग्ने बताउँछन् । ‘कालगतिले मरेको भए घरका सदस्य भाग्ने नै थिएनन्’, उनले भने, ‘शव जल्न छाडेर सबै भाग्नुले हत्या भएको आशंकालाई बलियो बनाएको छ ।’
बिहान पौने ११ बजेतिर गाउँमा मानिसको मृत्यु भएकोबारे प्रहरीले सूचना पाएको थियो । लगत्तै खोजतलासका लागि पुगेको प्रहरी टोलीले गाउँमा केही फेला पार्न सकेन । रामदयालको घरदेखि ४ सय मिटर पर शव जल्दै गरेको देख्यो । प्रहरी पुग्दा शरीरको अधिकांश भाग जलिसकेको थियो । त्यसपछि पानी हालेर आगो निभाइएको थियो ।
बाराका प्रहरी उपरीक्षक विका सराज खनालले हत्या भएको आशंकामा जल्दै गरेको शव नियन्त्रणमा लिनुपरेको बताए । उनले भने, ‘प्रहरी पुग्दा अधिकांश भाग जलिसकेको रहेछ, पिठ्यु, भूँडी लगायतका बाँकी भाग संकलन गरेर अनुसन्धानका लागि ल्याएका छौं ।’
घरका सदस्य ढोका थुनेर भागेको र गाउँलेले घटनाबारे केही नबोलेकाले अनुसन्धानमा समस्या भईरहेको उनले जनाए ।

कमेन्ट गर्नुहोस्
सम्बन्धित

      (धर्मेन्द्र कुमार कुर्मी ) कपिलवस्तुकाे विजयनगर गाउँपालिकामा जग्गा दाताहरुलाई शिला लेखसहित सम्मान गरिएको छ । गाउँपालिकाकाे ७ नम्बर वडा कार्यालय गणेशपुरले जग्गा दाताहरुलाई शिला लेखसहित सम्मान-पत्रले सम्मान गरेकाे छ । गाउँपालिका अध्यक्ष गाेपाल बहादुर थापाले बिहिबार एक कार्यक्रमबीच जग्गा दाताहरुलाई सम्मान-पत्रले सम्मान गरेका हुन् । यसैबीच वडाकाे डिजिटल बाेर्ड र नवनिर्मित वडा […]

(एबिसि संचार )                                                                सिन्धुलीको कमलामाई नगरपालिका–४ स्थित एनसेल टावरमा बम विष्फोट भएको छ । गएराति १ बजेतिर टावरमा प्रेशर कुकर बम विष्फोट भएको जिल्ला […]

(एबिसि संचार ) पोखरा महानागरपलिकाकी सबइन्जिनियरसहित दुई जना जनासेवाग्रहीसँग घुस लिँदालिँदै रंगेहात पक्राउ परेका छन् । पोखरा महानगरपालिकाको नक्सा शाखामा कार्यरत सबइन्जिनियर उषा किरण रोकाया र गोदार कन्सल्टेन्सीमा कार्यरत सुरज कुँवरलाई सेवाग्रहीसँग घुस लिएको आरोपमा अख्तियार दुरुपयोग अनुसन्धान आयोगको गण्डकी प्रदेश कार्यालय पोखराबाट खटिएको टोलीले घुस रकमसहित पक्राउ गरेको हो । उनीहरुको साथबाट डेढ लाख […]