०५ साउन २०८२, सोमबार
21-07-2025 , Mon
×

प्रधानमन्त्री ओलीले पूर्वराजा शाहलाई पक्राउ गर्न सक्ने अभिव्यक्ति प्रति एमालेको्् गम्भीर ध्यानाकर्षण

Logo
ABC (क्राईमबिट) प्रकाशित सोमबार, चैत्र ११, २०८१

काठमाडौं । सत्ता घटक दल एमालेले पार्टी सचिवालय बैठकका विषयमा केही नेपाली र विदेशी मिडियाहरूमा प्रकाशित समाचारबारे गम्भीर ध्यानाकर्षण भएको जनाएको छ ।

विशेषगरी, अध्यक्ष केपी शर्मा ओलीले पूर्वराजा ज्ञानेन्द्र शाहलाई पक्राउ गर्न सकिने अभिव्यक्ति दिएको तथा भारत सरकार गिराउने तयारीमा सक्रिय रहेको भन्दै भारतलाई चुनौती दिएको समाचार बाहिरिएपछि एमालेले त्यसलाई असत्य र अतिरञ्जित भएको बताएको छ।

आज (सोमबार) एमाले महासचिव शङ्कर पोखरेलले एक विज्ञप्ति जारी गर्दै पूर्व राजावादीहरुको केही दिनअघिको प्रदर्शनलाई लिएर प्रधानमन्त्री केपी शर्मा ओलीले भनेका भनेर प्रकाशित समाचार निराधार र अतिरञ्जित भएको भन्दै पार्टीको गम्भीर ध्यानाकर्षण भएको एमालेले जनाएको छ ।

एमालेले यस्ता समाचारहरूले अनावश्यक सनसनी फैलाउने मात्र नभई नेपाल–भारत सम्बन्धमा आशंका उत्पन्न गराउने दुराशय बोकेको उल्लेख गरेको छ।

एमाले महासचिव पोखरेलले ती समाचारले अनावश्यक रूपमा सनसनी फैलाउने एवम् नेपाल र भारतबिचको युगौँ पुरानो सम्बन्धमा आशङ्का बढाउने दुराशय बोकेका समेत बताएका छन । उनले भनेका छन्, ‘नेपालको संविधान र हामीले अवलम्बन गरेको लोकतान्त्रिक गणतन्त्र नेपाली जनताको सार्वभौम चयनको विषय हो ।

संसारका कुनै पनि लोकतान्त्रिक मुलुक र जनता लोकतन्त्रका ठाउँमा निरङ्कुशतन्त्र प्रश्रय दिन सहमत हुन सक्दैनन् भन्ने कुरामा हामी स्पष्ट छौँ ।

इतिहासको पाङ्ग्रालाई पछाडि फर्काउने कुनै पनि प्रयासलाई नेपाली जनताले सहजै विफल पार्छन् भन्ने कुरामा हामी विश्वस्त छौँ ।’

कमेन्ट गर्नुहोस्
सम्बन्धित

बारा यातायातमा सेटिङको अखडा,प्रमुख दासकै भाइ र लेखापालको चलखेलमा करोडौं असुली आरोप कलैया । बारा जिल्लाको यातायात व्यवस्था कार्यालय पछिल्ला केही महिनादेखि अनियमितता, दलाली र सेटिङ–सञ्चालित भ्रष्टाचारको अखडा बन्दै गएको उजागर भएको छ। यस कार्यालयका प्रमुख अविन्दर दास आफ्ना दुई भाइ र निकट लेखापाललाई प्रयोग गरेर कार्यालयको सम्पूर्ण कामकाज नियन्त्रणमा लिएको गम्भीर आरोप लागेको छ। […]

काठमाडौं । सोमबार बसेको बढुवा सिफारिस समितिको बैठकले ११ जनालाई एसपीमा बढुवा सिफारिस गरेको हो। सिफारिस हुने एसपीहरूमा एक नम्बरमा तिलबहादुर कार्की, प्रकाश रानाभाट, कमल थापा, राकेश सिंह, राजीव बस्नेत, दीपक पाेखरेल, केदार खनाल, ज्ञानेन्द्रप्रसाद फुयाल, दिपेन्द्र शाही, प्रविण धिताल र दयानिधी ज्ञवाली छन्। बढुवा सिफारिसमा यसपटक पनि एसपी बिमल बस्नेत र रामप्रकाश शाह छुटेका […]

कैलाली । धनगढी उपमहानगरपालिका ४ स्थित नास्ट कलेज नजिकै विद्युत् सर्ट भएर सुरु भएको आगलागीले पसलहरूमा ठुलो क्षति पु¥याएको हो । हेलेन ट्रेड एण्ड सप्लायर्स अन्तर्गत विश्वप्रकाश कँडेलले सञ्चालन गरेको चार वटा सटर, परिवर्तन इम्पेक्स कपडा होलसेल पसलका तीन सटर र सेन्टर प्वाइन्ट रेस्टुरेन्ट पूर्ण रूपमा क्षतिग्रस्त भएका छन् । आइतबार राति करिब १०ः ४५ […]

error: Content is protected !!