काठमाडौं । महानगरपालिकाले तीनकुने क्षेत्रमा प्रदर्शनका क्रममा सार्वजनिक सम्पत्तिमा भएको क्षतिको बिल पूर्वराजा ज्ञानेन्द्र शाहलाई तिराउने निर्णय गरेको छ।
महानगर प्रमुख बालेन्द्र शाह (बालेन) को टोलीले यस घटनाको मुख्य जिम्मेवारी निर्मल निवासमा जाने निष्कर्ष निकालेको छ। उनका सचिवालयका एक सदस्यका अनुसार, जरिवाना सम्बन्धी पत्र तयार पार्ने प्रक्रिया अघि बढिरहेको छ।
शुक्रबार दुर्गा प्रसाईको नेतृत्वमा तथा राप्रपाका केही नेताहरूको संलग्नतामा पूर्वराजा ज्ञानेन्द्र शाहलाई गद्दीमा फर्काउन आयोजित प्रदर्शन उग्र बनेको थियो। प्रदर्शनकारीहरूले निजी घर, सरकारी गाडी जलाउने तथा तोडफोड जस्ता हिंसात्मक गतिविधि गरेका थिए।
