हैटोडा । नेपाल प्रहरी जनपद प्रहरी समूहतर्फ प्रहरी नायव महानिरीक्षक पदबाट प्रहरी अतिरिक्त महानिरीक्षक पदमा बढुवा सिफारिस हुनु भई विदाई भई जानु भएका बागमती प्रदेश प्रहरी प्रमुख प्रहरी नायव महानिरीक्षक कृष्ण हरि शर्माको विदाई एवं फेरि भेटौँला कार्यक्रमका सम्पन्न भएको छ ।
विदाइको क्रममा डिआईजीले सम्पुर्ण प्रहरी कर्मचारीहरुलाई आगामी दिनमा समेत आ-आफ्नो व्यावसायिक तथा व्यक्तिगत ज्ञान, सीपलाई प्रभावकारी रुपमा प्रयोग गरि प्रहरी संगठनको छविलाइ हितमा राखेर काम गर्नु पर्ने बताउँदै आगामी दिनहरु सफल रहोस् भन्ने शुभेच्छा व्यक्त गर्नु भएको थियो । साथै प्रहरी वरिष्ठ उपरीक्षक संजय सिंह थापाले प्रहरी नायव महानिरीक्षक एवं नेपाल प्रहरी श्रीमती संघ बागमती प्रदेशका अध्यक्ष रुची शर्मालाई बागमती प्रदेश प्रहरी कार्यालयको तर्फबाट मायाको चिनो प्रदान गरि सदैव माया र सद्भाव पाइरहने अपेक्षा व्यक्त गर्दै आगामी कार्यकालको बधाइ एवं शुभकामना मन्तव्य व्यक्त गर्नु भएको थियो ।
विदाइ भई जान लाग्नु भएका प्रहरी नायव महानिरीक्षकलाई नेपाल प्रहरी प्रदेश कार्यालय बनेपाका प्रमुख प्रहरी वरिष्ठ उपरीक्षक प्रज्वल महर्जन, मातहत कार्यालयका प्रहरी उपरीक्षकहरु, प्रहरी नायव उपरीक्षकहरु, प्रहरी निरीक्षक अन्य मातहत दर्जाका प्रहरी कर्मचारीहरुले पुष्पगुच्छा, फूलमाला, खादा र मायाको चिनो प्रदान गरी बिदाई कार्यक्रम सम्पन्न भएको थियो ।
