दाङ । भालुवाङ विश्व प्रेस स्वतन्त्रता दिवसको दिन शनिबार अपरान्ह मई 3 तारीखका दिन प्रेस चौतारी नेपाल, राप्ती गाउँपालिका कमिटीले विशेष खालको सम्मानपत्र दिएर उनलाई सम्मान गरेको हो । प्रेस चौतारी नेपालका निवर्तमान केन्द्रीय सदस्य समेत भइसकेका एम सीलाई चौतारीको केन्द्रीय सदस्यका जिम्मेवारीमा रहँदा समेत विभिन्न सूचना, समाचार र रिपोर्टिङ मार्फत आम नागरिकलाई सुसूचित पारेको भन्दै त्यसरी सम्मान गरेको बताइएको छ ।
प्रेस चौतारी नेपाल राप्ती गाउँपालिकाद्वारा आयोजना गरिएको तीनदिने आधारभूत पत्रकारिता तालिम समापन समारोह तथा प्रेस चौतारी नेपाल, राप्ती गाउँपालिकाको दोस्रो अधिवेशन अवसर पारेर सम्मान गरिएको आयोजकले जानकारी दिएको छ ।
झण्डै दुई दशकदेखि पत्रकारिता कार्यमा निरन्तर खटिरहेका पत्रकार बिदुर एम सी विगतमा पनि थुप्रै सञ्चार गृहमा आवद्ध रहेर आफ्नो सेवा प्रवाह गर्दै आइरहेका छन् । विशेषगरी नेपाली भाषामा दखल राख्ने हैसियत बनाएका उनी विशुद्ध नेपाली भाषामै बोल्ने, लेख्ने र त्यसैमा रमाउने व्यक्ति हुन् । त्यसो त हिन्दी, अंग्रेजी र थारू लगायतका भाषाहरुमा उनको त्यत्तिकै रुचि र जानकारी छ ।
कुनै पनि घटना वा विषयवस्तुको आफ्नो मौलिक तरिकाले सूचना समाचार बनाएर दर्शक श्रोतामाझ प्रस्तुत गरेर पत्रकारिता गर्नु उनको विशेषता नै मान्नुपर्छ । जोसुकैशीत पनि निर्धक्क भएर अन्तरवार्ता प्रस्तुति दिनसक्ने खुबी देखिन्छ उनमा । सम्मानित भएकोमा बधाई तथा शुभकामना छ, बिदुर एम सीलाई ।
