काठमाडौं । जिल्ला अदालत काठमाडौँले मिश्र र प्रसाईँसहितलाई राज्य विरूद्धको कसुर र संगठित अपराध मुद्दामा थप ५ दिन हिरासतमा राख्न अनुमति दिएको हो ।
उनीहरूमाथि अनुसन्धान नसकिएको भन्दै प्रहरीले थप समय हिरासतमा राख्न अनुमति मागेको थियो । प्रहरीको माग अनुसार नै अदालतले म्याद थपेको हो ।
उनीहरू विरुद्ध आठौँ पटक राज्य विरुद्धको कसुरमा म्याद थप गरिएको हो । उनीहरूलाई पछिल्लो पटक वैशाख २१ गते म्याद थप गरिएकोमा थप अनुसन्धान गर्न पर्ने भएकाले म्याद थपका लागि अदालतमा उपस्थित गराइएको थियो ।
गत चैत्र १५ गते तीनकुनेमा भएको हिंसात्मक प्रदर्शनलाई भड्काएको आरोपमा उनीहरूलाई पक्राउ गरिएको थियो ।
राजावादी प्रदर्शनका जनकमान्डर भनिएका प्रसाईँविरुद्ध कर्तव्य ज्यानसहित ज्यान मार्ने उद्योग, आपराधिक उपद्रव, सङ्गठित अपराध र राजद्रोहको समेत मुद्दा लगाइएको छ ।
