विरेन्द्रनगर । सुर्खेत जिल्ला प्रहरी कार्यालय वीरेन्द्रनगर सुर्खेतका प्रहरी उपरीक्षक एसपी सुधिर राज शाही ऐ.ऐ.कार्यालयका प्रहरी नायव उपरीक्षक सुर्खेत प्रहरीका प्रबक्ता डिएसपी मोहनजंग बुढथापा कार्यालय तथा मातहत प्रहरी युनिटहरु इ.प्र.का.गुटु, प्र.चौ.बिद्यापुर, प्र.चौ.बिजौरा, प्र.चौ.सालकोट, प्रहरी चौकी बड्डीचौर, अ.प्र.पोष्ट लगाम, अ.प्र.पोष्ट घाटगाउ, अ.प्र.पोष्ट तातापानीमा पाल्नु भई कार्यरत सम्पूर्ण प्रहरी कर्मचारीहरुको व्यक्तिगत टर्नआउट, क्वाटर गार्ड, हिरासत कक्ष लगायत सम्पूर्ण शाखाहरुको निरीक्षण तथा अनुगमन गरी आवश्यक विभागिय निति निर्देशनको पूर्ण रुपमा पालना गर्न, प्रहरी आचारण, व्यवहारमा सुधार, अभिलेख व्यवस्थापन, भरपर्दो शान्ति सुव्यवस्था कायम गरी उपलब्धी मुलक प्रहरी काम कारवाही गर्ने सम्बन्धमा महत्वपूर्ण निर्देशन समेत दिनु भएको।
साथै स्थानिय जनप्रतिनिधि,भद्रभलादमी, बुद्धिजिवि, बिभिन्न संघ संस्थाका प्रतिनिधिहरु समेतको सहभागितामा परिचयात्मक तथा अन्तरक्रियात्मक कार्यक्रम समेत भएको जिल्ला प्रहरी कार्यालय सुर्खेतले जानकारी दिएको छ ।
