मेष -आज प्रेमीको सहयोग प्राप्त हुनेछ। दाम, इनाम र प्रतिष्ठा कमाउने वेला छ। न्यायिक कार्यमा सफलता मिल्नेछ। शुभकार्यको चर्चा पनि चल्नेछ।
वृष -अवसरका साथै भौतिक साधन जुट्नाले दिन उत्साहजनक रहनेछ। दिगो फाइदा हुने काम प्रारम्भ हुनेछ। अध्ययनमा प्रगति हुनेछ। मिहिनेतले सजिलै लक्ष्यमा पुग्न सकिनेछ।
मिथुन -साझेदारीका समस्या सुल्झनाले दिगो योजनामा अघि बढ्दा फाइदा उठाउन सकिनेछ। अन्योलमा मान्यजनको सुझाव शिरोधार्य गर्दा लाभ हुनेछ। रोकिएका काममा दोहोर्याएर प्रयत्न गर्नुहोला।
कर्कट -लाभहानी, सुखदुःख बराबरी मध्यम खालको दिन छ। ठुलो कारोबारमा लगानी नगर्दा वेश हुनेछ। सामान हराउने वा चोरी हुने भय पनि छ।
सिंह -आज आफन्त सँग भेट घाट हुनेछ। आफ्नो क्षेत्रमा प्रभुत्व जमाउन सकिनेछ। स्वादिष्ट भोजन पाइनेछ। एउटै कामबाट दोहोरो लाभ मिल्नेछ।
कन्या-आज शुभ समाचार सुन्न पाइएला। वैदेशिक क्षेत्रको काम अघि बढ्नेछ। राज्यबाट मान सम्मान पाइनेछ। सामाजिक क्षेत्रमा सफलता मिल्नेछ।
तुला-आज रोकिएको धन हात पर्ला। धर्म कर्म, परोपकार, समाजसेवा जस्ता कार्यमा मन लाग्नेछ। अतिथिको रूपमा सत्कार पनि पाइनेछ ।मन प्रसन्न रहनेछ ।
वृश्चिक -बन्न लागेको काम बिग्रनसक्छ। प्रेममा बाधाका साथै मन कमजोर रहला। दुष्ट व्यक्तिको सङ्गतिले गलत काममा हात हाल्न सकिने छ विशेष ख्याल गरेर अगाडि बढ्नु होला ।कसैको विश्वासमा नपर्नुहोला
धनु -सुन्दर पहिरनले व्यक्तित्वमा निखारता ल्याउनेछ। आकस्मिक धन लाभ हुनेछ। जोशजाँगर र हिम्मत बढ्नेछ। दाम्पत्य जीवन सुखमय हुनेछ।
मकर -नयाँ कार्यको थालनी हुनेछ। लगनशीलताले कामहरू अगाडि बढ्नेछन्। वित्तिय संस्थाबाट सहयोग पाइनेछ। पदोन्नतिको सम्भावना प्रबल छ।
कुम्भ -आज अरुलाई प्रभावित पारेर काम बन्नेछ। मनोरञ्जनमा सहभागी भइएला। पारिवारिक सद्भाव बढ्नेछ। व्यापार, व्यवसायमा पर्याप्त लाभ मिल्नेछ।
मीन -आज सरकारी निकायको भय रहला। अविश्वास उत्पन्न हुनेछ। परिवारमा झैझमेलाको अवस्था आउला, तर व्यवसायिक सफलता भने मिल्नेछ ।
माधवा शर्मा
ज्योतिषाचार्य तथा वास्तु विद्
9848060799
