काठमाडौं । सर्वोच्च अदालतमा आयोजित समारोहमा बुधबार पौडेलले सर्वोच्च अदालतका प्रधानन्यायाधीश प्रकाशमान सिंह राउतसमक्ष शपथ लिएका हुन्।
सरकारले मंगलबार नेपाल राष्ट्र बैंकको गभर्नरमा पौडेललाई नियुक्त गरेको हो। शपथ लिएसँगै गभर्नर पौडेलले बालुवाटारस्थित नेपाल राष्ट्र बैंकको केन्द्रीय कार्यालय पुगेर कार्यभार सम्हाल्नेछन्।
मन्त्रिपरिषदबाट नियुक्त भएका गभर्नरलाई प्रधानन्यायाधीशबाट शपथ लिने संवैधानिक व्यवस्था छ। उनको कार्यकाल पाँच वर्षको हुनेछ।