काठमाडौं । राजसंस्था पुनर्स्थापना संयुक्त जनआन्दोलन समितिका संयोजक नवराज सुवेदीले लक्ष्य प्राप्ति नभएसम्म आफूहरूको आन्दोलन जारी रहने बताएका छन्।
बिहीबार (आज) पूर्ण रूपमा आन्दोलन सफल भएको दाबी गर्दै सुवेदीले यस्तो घोषणा गरेका हुन्। ‘जनताको चाहनामा लक्ष्य प्राप्ति नभएसम्म आन्दोलन जारी रहनेछ। शान्तिपूर्ण जनआन्दोलन जारी छ, पहिलो दिन हाम्रो आन्दोलन पूर्ण सफल भएको छ,’ उनले भने।
सुवेदीले आगामी दिनहरूमा पनि सहभागिताका लागि आह्वान गरेका छन्। ‘भ्रष्ट शासक र व्यवस्थाको अन्त्य गरौँ। संवैधानिक राजसंस्था, सनातन हिन्दू राष्ट्रसहितको बहुदलीय प्रजातन्त्र स्थापना गरौँ,’ उनले भनेका छन्।
समितिले आजदेखि अनिश्चिनकालीन आन्दोलन सुरु गरेको छ। भोलि साढे १२ बजे माइतीघर मण्डलाबाट सुरु गर्दैछ।
