दाङ । तुल्सीपुर नेपाल सरकार, गृह मन्त्रालय (माननीय गृहमन्त्रीस्तर) को मिति २०८२।०२।१६ गतेको पत्रले यस कार्यालयबाट गण्डकी प्रदेश प्रहरी तालिम केन्द्र पोखरा, कास्की सरुवा भई जान लाग्नु भएका प्रहरी बरिष्ठ उपरीक्षक जनार्दन जि.सी.लाई लुम्बिनी प्रदेश प्रहरी कार्यालय, दाङका प्रहरी प्रमुख प्रहरी नायव महानिरीक्षक राजेन्द्र प्रसाद भट्ट ज्यूको प्रमुख अतिथ्यतामा फेरी भेटौला कार्यक्रम आयोजना गरी प्रमुख अतिथि ज्यूबाट शुभकामना मन्तव्य सहित मायाको चिनो प्रदान गरी स-सम्मान बिदाई गरियो । उक्त कार्यक्रममा सरुवा भई जान लाग्नु भएका प्रहरी बरिष्ठ उपरीक्षक जनार्दन जि.सी. ज्यूले यस कार्यालयमा कार्यरत रहँदाको अनुभव सहितको छोटो मन्तव्य समेत व्यक्त गर्नु भएको थियो ।
उक्त कार्यक्रममा सिनियर प्रहरी अधिकृत ज्यूहरू, जुनियर प्रहरी अधिकृत ज्यूहरू र अन्य सक्कल दर्जाका प्रहरी कर्मचारीहरूको समेत उपस्थिति रहेको थियो ।
