काठमाडौँ । कुलेश्वरबाट ८२ हजार ९ सय क्याप्सुल ट्रामाडोल सहित दुई जनालाई पक्राउ गरेको छ । शुक्रवार राति भारतीय गाडीमा ल्याएको लागुऔषध बरामद गरिएको जिल्ला प्रहरी परिसर काठमाडौँका एसपी अपिल बोहराले बताए ।
भारतीय नम्बर यूपी–७८ सिबी ९८३५ नम्बरको कारमा खाली सिलिन्डर भित्र लुकाएर ल्याएको लागुऔषध बरामद गर्न काठमाडौँका एसएसपी विश्व अधिकारी आफैँ घटनास्थलमा पुगेका थिए । लागुऔषध ओसारपसारमा संलग्न नुवाकोटको पञ्चकन्या गाउँपालिका घर भएका २६ वर्षीय राजु मिजार र २४ वर्षीया मिना मगरलाई प्रहरीले पक्राउ गरेको छ । राजु मिजार विरुद्ध यसअघि पनि ३ पटक लागुऔषध सम्बन्धी कसुरमा मुद्दा चलेको प्रहरीको अभिलेखबाट देखिएको छ ।
