रुपन्देही । भैरहवा लागुऔषध दुरुपयोग तथा ओसार पसार विरुद्ध अन्तर्राष्ट्रिय दिवश- जुन २६, २०२५ को अवसरमा जिल्ला प्रशासन कार्यालय भैरहवा रुपन्देहीको आयोजना तथा जिल्ला प्रहरी कार्यालय, रुपन्देहीको सहकार्यमा जिल्ला रुपन्देही सिद्धार्थनगर नगरपालिका वडा नं.०५ हाटबजार स्थित जिल्ला प्रशासन कार्यालको सभाहलमा समुद्घाटन कार्यक्रम सम्पन्न भएको छ ।
रुपन्देही जिल्लाका प्रमुख जिल्ला अधिकारी बासुदेव घिमिरेज्यूको अध्यक्षतामा सम्पन्न भएको कार्यक्रममा यस कार्यालयका प्रमुख प्रहरी उपरीक्षक प्रदिप बहादुर क्षेत्री, सुरक्षा निकायका प्रमुखहरु, सरकारी तथा गैह्र सरकारी कार्यालयका प्रमुख तथा प्रतिनिधीहरु, बिभिन्न राजनैतिक दलका प्रतिनिधिहरु, पत्रकारहरु, सुधार केन्द्रहरुका प्रमुख तथा संचालकहरु समेत उपस्थिति रहेको थियो ।
कार्यक्रममा यस जिल्ला प्रहरी कार्यालय रुपन्देहीका प्रहरी निरीक्षक सुमन गैह्रेले लागुऔषध दुरुपयोग तथा ओसार पसार विरुद्ध विषयमा प्रस्तुतिकरण समेत गर्नुभएको थियो ।
