काठमाडौं । डोनाल्ड ट्रम्पले अमेरिकाले इरानका तीन आणविक स्थल फोर्डो, नातान्ज र इस्फहानमा आक्रमण गरेको बताए। यसपछि घटनाहरू द्रुत गतिमा परिवर्तन भइरहेका छन् र विश्वभरबाट प्रतिक्रिया आइरहेका छन्।
केही देशले सैन्य आक्रमणबाट नभइ कूटनीतिबाट संकट समाधान गर्न अपील गरेका छ ।
अमेरिकी रक्षा सचिव पिट हेगसेथले आक्रमण अमेरिकी बी२ बमवर्षक प्रयोग गरेर गरिएको बताए। पिट हेगसेथले राष्ट्रपति डोनाल्ड ट्रम्पले शान्ति चाहेको र कुनै पनि प्रतिशोधात्मक कारबाहीको कडा प्रतिक्रिया दिइने बताए।
इजरायली राष्ट्रपति इसाक हर्जोगले इरानमाथिको अमेरिकी आक्रमणलाई ऐतिहासिक र साहसिक निर्णयको रूपमा वर्णन गरे। उनले बीबीसीसँग भने,‘मलाई यो स्पष्ट देखिन्छ कि इरानको आणविक कार्यक्रममा उल्लेखनीय क्षति पुगेको छ।’ आक्रमणबाट इरानले कति क्षति बेहोरेको छ भन्ने बारेमा पूर्ण जानकारी अझै उपलब्ध छैन।
इरानका विदेशमन्त्री अब्बास अराघचीले अमेरिकी राष्ट्रपति डोनाल्ड ट्रम्पले इरान र अमेरिकाका जनतालाई धोका दिएको आरोप लगाएका छन्। उनले ट्रम्पले इरानको कूटनीति प्रतिको प्रतिबद्धताको दुरुपयोग गरेर इरान र आफ्ना मतदातालाई धोका दिएको बताए।
बेलायतले इजरायल र कब्जा गरिएको प्यालेस्टिनी क्षेत्रबाट इजरायलमा रहेका आफ्ना नागरिक र उनीका परिवारलाई बाहिर निकाल्न विशेष उडानको तयारी गरिरहेको बताएको छ।
बेलायती विदेशमन्त्री डेभिड लामीले इरानलाई संयम अपनाउन अपील गरेका छन्। उनले यी आक्रमणमा बेलायतको कुनै संलग्नता नभएको बताए। उनले आक्रमणबारे आफूलाई पहिले नै जानकारी गराइएको पनि बताए।
यसैबीच, बेलायती प्रधानमन्त्री केयर स्टारमरले अमेरिकी आक्रमणको उद्देश्य इरानको आणविक कार्यक्रमबाट उत्पन्न गम्भीर खतरा लाई कम गर्नु रहेको बताए।
अमेरिकाले आफ्नो आक्रमणमा इरानको फोर्डो आणविक सुविधालाई निशाना बनाएको थियो। यो ठाउँ तेहरानबाट ६० माइल टाढा पहाडको बीचमा अवस्थित छ। यो भूमिगत सुविधामा दुई मुख्य सुरुङ र साना सुरुङको सञ्जाल छ।
अनुमान अनुसार यो केन्द्र जमिनबाट ८० देखि ९० मिटर मुनि छ। इजरायलका बंकर बस्टर बम त्यहाँ पुग्न सक्दैनन्। यो ठाउँ १३ हजार किलोको अमेरिकी बमको दायरामा आउन सक्ने विश्वास गरेको छ। यसलाई म्यासिभ अर्डनेन्स पेनिट्रेटर (एमओपी) भनिन्छ। एजेन्सी
