काठमाडौं । बाढी पूर्वानुमान महाशाखाका अनुसार जिल्लाको सेउलिबाङ वर्षा मापन केन्द्रमा भारी वर्षा मापन भएको हो । पछिल्लो २४ घण्टामा त्यहाँ १९६.६ मिलिमिटर वर्षा मापन भएको छ ।
महाशाखाका अनुसार ससाना खोलानालामा आकस्मिक बहावको जोखिम रहेकाले सतर्कता अपनाउन भनिएको छ । अहिले साइरन बज्न थालेकाे छ ।
सेउलिबाङ नौबहिनी गाउँपालिकाको १ नं वडामा पर्दछ । स्थानीयका अनुसार साँझ ४ बजेदेखि ८ बजेसम्म ठूलो पानी परेको र अहिले केही कम भएपनि निरन्तर आइरहेको छ ।
माथिल्लो भागमा ठूलो पानी परेपनि सदरमुकाम आसपासमा सानो पानी आएको र अहिलेसम्म ठूलो बाढी आइनसकेको विजुवारस्थित पत्रकार हरि भण्डारीले जानकारी दिए ।
