धनगढी । नेपाल प्रहरी प्रधान कार्यालय मानवश्रोत विकाश विभाग, कर्मचारी प्रशासन शाखाको चलानी नम्बर ८०६१ र ८०६३ मिति २०८२।०३।२३ गतेको निर्णयले प्रहरी सहायक हवल्दार पदबाट प्रहरी हवल्दार पदमा बढुवा हुनु भएका प्रहरी हवल्दार मनोज राम महर, ललित बहादुर सिंह, अशोक कुमार अधिकारी, पुजा कुमारी बोकटी, दिपेन्द्र बहादुर भण्डारी, बिरेन्द्र सिंह धामी र प्रहरी जवान पदबाट प्रहरी सहायक हवल्दार पदमा बढुवा हुनु भएका प्रहरी सहायक हवल्दार जुग राम चौधरी, मिना पनेरु, मोहन सिंह सावद, बामदेव जोशी, अर्जुन महरा, अर्जुन दत्त भट्ट, बाबुराम चौधरी लगायत छ जना प्रहरी हवल्दार र सात जना प्रहरी सहायक हवल्दार गरी जम्मा तेह्र जना प्रहरी हवल्दार तथा प्रहरी सहायक हवल्दार हरुलाई सुदूरपश्चिम प्रदेश प्रहरी कार्यालय धनगढीमा आज मंगलबार आयोजित एक कार्यक्रमका बिच सुदूरपश्चिम प्रदेश प्रहरी प्रमुख प्रहरी नायव महानिरीक्षक डम्बर बहादुर बि.क. ज्यूले दर्ज्यानी चिन्हद्वारा सुशोभन गर्नुभयो ।
उक्त कार्यक्रममा कार्यालय प्रमुख ज्यूले बढुवा भएका प्रहरी हवल्दार तथा प्रहरी सहायक हवल्दार हरुलाई बधाई एवं शुभकामना दिनुहुँदै पदोन्नतीसँगै जिम्मेवारी पनि बढेकोले कार्यक्षेत्रमा जिम्मेवार भएर ईमान्दारीपुर्वक व्यवसायिक दायित्व र जिम्मेवारी निर्वाह गर्दै राष्ट्र, संगठन र जनता प्रति उत्तरदायी हुँदै त्रुटीरहित ढंगबाट कार्यसम्पादन गर्न समेत निर्देशन दिनुभयो ।
